Petropavl qalasynyń 41 jastaǵy bir turǵyny tańerteń óziniń Ýálıhanov kóshesindegi úıiniń mańynda turǵan «VAZ-21070» avtokóligi qoldy bolǵanyn kórip, polısııaǵa habarlaıdy, dep jazady Egemen.kz.
Osy kezde Asanovo aýylynyń syrtyndaǵy joldyń shetinde órtengen kólik tabylady. Jedel-izdestirý sharalary barysynda kúdikti anyqtaldy, ol 1999 jyly týǵan, qala turǵyny bolyp shyqty. Onyń aıtýyna qaraǵanda 1996 jyly týǵan dosymen birge serýendemekshi bolyp, kólikti masań kúıde aıdap áketken. Al órt ózdiginen shyqqan. Boljam boıynsha olar batyp, kólikke shekten tys salmaq túsirgen.
Atalǵan fakti QK 188-shi «Urlyq» baby boıynsha Sotqa deıingi tergep-tekserýdiń biryńǵaı tizilimine engizildi. Kúdiktilerge qatysty kelýge mindetteý túrindegi bultartpaý sharasy taǵaıyndaldy. Oqıǵanyń tolyq mán-jaıyn tergeý anyqtaıdy.
«Kólik quraldary kóp jaǵdaıda tasada turǵanda, qarańǵy jerlerden urlanady, - dedi Birinshi polısııa bóliminiń bastyǵy polısııa podpolkovnıgi Tilegen Áljanov. – Kólikterge dabyldy ornatyp, múmkindiginshe kúzetiletin avtoturaqtarǵa nemese kameralar ornatylǵan jerlerge qoıǵan jón. Kóliktiń ishinde aqsha men qundy zattardy qaldyrmaý kerek, sebebi qaskóılerdiń kózine túsýi múmkin», deıdi ol.
Soltústik Qazaqstan oblysy