Qazaqstan Respýblıkasynyń Oman Sultandyǵyndaǵy Elshisi Nájmedın Muhametáliuly Oman Sultany Heısam ben Tarıq ál-Saıdke senim gramotalaryn tabystady, dep habarlaıdy Egemen.kz.
Saltanatty rásim barysynda dıplomat Prezıdent Qasym-Jomart Toqaevtyń ystyq sálemdemesi men izgi tilekterin jetkizip, Qazaqstan tarapynyń yntymaqtastyqty jan-jaqty damytýǵa múddeli ekenin atap ótti. Osy rette, eki el arasyndaǵy ekonomıkalyq, ınvestısııalyq jáne mádenı árekettestikti odan ári keńeıtý maqsatynda úkimetaralyq komıssııany qurýdyń mańyzdylyǵy aıtyldy.
О́z kezeginde, Sultan Heısam ben Tarıq Qazaqstandy óz eliniń senimdi ári mańyzdy áriptesi retinde qarastyryp, ekijaqty qarym-qatynasty ári qaraı tereńdetýge ázirligin jetkizdi.