Almatydaǵy kyz-kelinshekter men kópbalaly analar arasyndaǵy kásipkerlikti damytý úshin qolǵa alynǵan «Baqytty otbasy» bastamasy budan bylaı basqa baǵytta jumys isteýi bek múmkin. Almaty qalasynyń ákimi Baqytjan Saǵyntaev taǵdyr tálkegine tap bolǵan áıelderdi áleýmettik qoldaý ortalyqtaryna barǵan kezinde osyndaı sheshim qabyldady.
Qala bıligi úshin ótken jyly Almatynyń ár aýdanynda «Baqytty otbasy» áleýmettik qoldaý ortalyqtaryn ashý basty maqsat bolsa, bıyl onyń tıimdiligi aldyńǵy qatarǵa shyǵyp otyr. Mundaı ortalyqtar áıelderdiń, ásirese kópbalaly analardyń iskerlik belsendiligin arttyrýǵa septigin tıgizýde.
– «Isker Ana» baǵdarlamasy arqyly bıznes daǵdylaryna úıretýdi bastap, ınnovasııalyq jobalardy iske qosý úshin granttar usyndyq. Aqmaral Basırova qurǵan Alataý aýdanynyń «Baqytty otbasy» ortalyǵy bir jyldyń ishinde Almatynyń ózge aýdandary úshin ǵana emes, elimizdiń basqa óńirleri úshin de úlgi bola bildi», deıdi ortalyqtardyń tirshiligimen tanysqan shahar basshysy.
Ákimniń aıtýynsha, munda áıelderge keńes berilip qana qoımaıdy. Qıyn jaǵdaıǵa tap bolǵan áıelderdiń ózderine qaıta senýine, ózderine unaıtyn nárseni tańdap, ómir saltyn tolyǵymen ózgertýlerine kómektesedi. Analar balalarǵa óz eńbegimen aqsha tabýǵa bolatynyn kórsetedi. Kún saıyn munda 150-ge jýyq áıel keledi. Bir jyldyń ishinde 25 myń áıel adam 31 baǵyt boıynsha túrli kýrstarda bilim aldy.
Almaty ákimi bir jyl buryn ortalyqqa bapker retinde kelgen Móldir Júnisbekovanyń ómirin mysalǵa keltirdi. Ol 500-ge jýyq áıeldi oqytsa, sonyń 200-i búgin jumys tapty. Tipti ol jańa jumys oryndaryn qurýda. «Bıznestiń jol kartasy-2025» boıynsha 2,5 mln teńge kóleminde grantqa ıe bolǵan Móldir 10 áıel eńbek ete alatyn tigin sehyna arnalǵan jabdyqty satyp aldy.
Bastaǵan isin baıandy etip otyrǵan Móldirge shahar basshysy: «Sáttilik serigińiz bolsyn! Jaqsylyqqa senińiz! Bizdiń tarapymyzdan árdaıym qoldaý men kómek bolady», dep demeý bildirdi.
Jyl basynan beri Alataý aýdanynyń «Baqytty otbasy» ortalyǵynda 27 myń áıelge «Isker ana» baǵdarlamasy boıynsha aqparattyq-konsýltasııalyq-resýrstyq qoldaý kórsetildi. Trenıngter men kýrstarda 25 myń adam oqydy.
Sonymen qatar «Bıznes Bastaý» jobasy boıynsha 537 áıel bilimin jetildirdi, olardyń 300-i grant alyp, kıim jóndeý, kondıter, shashtaraz, manıkıýr salondaryn ashty, balalardyń damý kitaptaryn jasap, avtokólik muqabalaryn tigip jáne basqa da salalar boıynsha ózderiniń kásipterin bastady.
Eki áıel «Bıznestiń jol kartasy-2025» aıasynda ınnovasııalyq jobalardy iske asyrýǵa 2-den 5 mln teńgege deıin memlekettik grant aldy. О́ndiris sheberhanalaryn ashý úshin alańdar berilip, al ónimderin satý úshin bazarlardan 50-ge jýyq oryn bólingen.
ALMATY