Elordada 18-23 qarasha aralyǵynda «Jastar kadrlyq rezervi-2013» jobasy aıasynda Bilim jáne ǵylym mınıstrliginiń qoldaýymen ekinshi oqý modýli ótkizilýde. Bul shara jastardyń óz ornyn tabýyna yqpal etý maqsatynda uıymdastyrylǵan.
Elordada 18-23 qarasha aralyǵynda «Jastar kadrlyq rezervi-2013» jobasy aıasynda Bilim jáne ǵylym mınıstrliginiń qoldaýymen ekinshi oqý modýli ótkizilýde. Bul shara jastardyń óz ornyn tabýyna yqpal etý maqsatynda uıymdastyrylǵan.
Birinshi oqý modýliniń qorytyndylary boıynsha konkýrstyq komıssııa respýblıka deńgeıinde 2,5 myń adamnyń ishinen jobaǵa qatysýyn jalǵastyratyn eń úzdik 32 qatysýshyny tańdap alǵan. Jalpy qatysýshylar jeke jobalardy qorǵaý, testileýden ótý jáne tulǵalyq damý taqyryptaryna arnalǵan trenıngterdi tyńdaý baǵyttary boıynsha iriktelipti. Saıysqa túsken jobalar negizinen ózektiligimen, mánimen jáne jan-jaqty oılastyrylǵandyǵymen erekshelenýi tıis-ti. Mundaı údeden shyqqandar kóp. Alaıda, A.Rahmetovanyń «Volonter», G.Jetpisovanyń «Online úlgisindegi «Keńes ortalyǵy» jáne B.Ústemirovanyń «Jas mamanǵa – baspana!» atty jobalary top jarǵandyǵyn aıta ketý kerek. Al ekinshi oqý modýliniń baǵdarlamasy boıynsha qatysýshylar sheshendik ónerdi qalyptastyrýǵa, qoǵamdyq-saıası úderisterdi modeldeý daǵdylaryn damytýǵa, daýly jaǵdaılardyń sheshimin tabý joldaryna úıretýge baǵyttalǵan oqýlardan ótedi.
Osylaısha, eń úzdikterdiń arnaıy oqý dáristerinen ótýine, jeke jobalaryn jasaýyna, memlekettik organdarda, ulttyq kompanııalarda nemese ózge de jumys oryndarynda tájirıbeden ótýine septigin tıgizetin birden-bir alań jasalyp otyr. «Nur Otan» partııasynyń Saıası menedjment mektebi «Asa tıimdi adamdardyń 7 daǵdysy» jáne «Tabysty bıznesti qalaı bastaýǵa bolady: 2 mıllıon teńgeden 2 mıllıon dollarǵa deıingi jol» degen taqyryptarda trenıngter ótkizýde. Atalǵan trenıngterdi M.Bilálova, J.Sarıeva jáne R.Karymov syndy dáris oqýshylar ótkizetin bolady. Sonymen qatar, qatysýshylarǵa Prezıdent janyndaǵy Memlekettik basqarý akademııasynda eki kún boıy dáris oqyldy jáne kóptegen saıasatkerlermen, tanymal kásipkerlermen kezdesýler uıymdastyryldy.
Negizinen joba jastardyń qyzmette ósýine nemese ózin damytýǵa baǵyttalǵan. Osy oraıda jobada memlekettik qyzmetkerler, muǵalimder, aýyldan kelgen jastar da qatysyp otyrǵandyǵy belgili boldy. Oǵan qatysý úshin joǵary bilimimen qatar, birqatar jetistikteri de bolýy tıis, deıdi «Jas Otan» jastar qanatynyń atqarýshy hatshysy Nurlan Sydyqov. Jalpy, bes jyldyń qorytyndysy boıynsha 10 myńnan astam jastyń ishinen iriktelgen 300-i ártúrli salalarda eńbek etýde. Olardyń ishinde máslıhat depýtattary bolǵany da bar eken. Oqýyn jalǵastyramyn degender de jetkilikti kórinedi.
Qoryta aıtqanda, oqý modýlderi eńbeksiz qalǵan jastarǵa jumys taýyp berýge emes, al talpynysy bar talaptylarynyń boıyndaǵy qabiletterin shyńdaýǵa túrtki bolatyn joba sanalady. «Talaptyǵa nur jaýar», dep osyndaıda aıtylsa kerek.
Asqar TURAPBAIULY,
«Egemen Qazaqstan».