QR Premer-Mınıstri Asqar Mamın Mańǵystaý oblysyna jumys sapary barysynda modýldik juqpaly aýrýlar aýrýhanasyna baryp, óńirdegi sanıtarlyq-epıdemıologııalyq ahýal máseleleri jóninde keńes ótkizdi.
Mańǵystaý oblysynyń ákimi S. Trumov pen densaýlyq saqtaý mınıstri A. Soı bıyl 25-31 qazan aralyǵynda óńirde syrqattanýshylyqtyń 1,6 ese óskenin, al reprodýktıvti sany 0,9-ǵa jetkenin baıandady. 2020 jylǵy 1 qarashada 2 syrqattaný tirkeldi, 2-6 qarasha aralyǵynda tirkelgen joq.
Infeksııalyq tósek-oryndardyń júktemesi 17%, reanımasııalyq tósek-oryndardyń júktemesi 10% quraıdy. Aýrýdyń eń joǵary kórsetkishteri Aqtaý jáne Jańaózen qalalarynda baıqalady.
О́ńirde 335 ınfeksııalyq jáne 48 reanımasııalyq tósek-orny bar 9 juqpaly aýrýlar stasıonary jumys isteıdi. Qosymsha 1835 ınfeksııalyq jáne 130 reanımasııalyq tósek-orny bar 11 rezervtik stasıonar jasaqtalǵan. Medısınalyq mekemeler 260 О́JJ apparatymen jáne 638 ottegi konsentratorymen qamtamasyz etilgen. 14 stasıonar ortalyqtandyrylǵan ottegimen qamtamasyz etilgen.
Turaqtandyrý qoryn tolyqtyrý úshin jergilikti bıýdjetten 450 mln teńge bólindi, bul óńirdiń medısınalyq mekemeleri men dárihana jelisinde eki aılyq dárilik zattar qoryn qalyptastyrýǵa múmkindik berdi. Jedel medısınalyq járdem mashına parki 82 birlikke tolyqty, jyl sońyna deıin qosymsha 34 mashına jetkiziledi dep kútilýde.
Mańǵystaý oblysynda COVID-19 dıagnostıkasy boıynsha 6 zerthana, sondaı-aq PTR-testileýdi ótkizýge arnalǵan jyljymaly stansııa jumys isteıdi. Testileýdiń jıyntyq qýaty táýligine 4300 testini quraıdy. Qazirgi ýaqytta táýligine 1300-den astam PTR-test ótkiziledi. Bıyl tamyz aıynan bastap 24 monıtorıng toby 1428 reıd júrgizdi, obektilerde 126 buzýshylyq anyqtaldy.
Úkimet basshysy Mańǵystaý oblysynyń ákimdigine koronavırýs ınfeksııasynyń yqtımal jańa tolqynyna daıyndyq sharalarynyń barlyq keshenin júrgizýdi tapsyrdy, onyń ishinde: halyq pen bıznes sýbektileriniń sanıtarlyq talaptardy saqtaýyn baqylaý jónindegi monıtorıng toptarynyń jumysyn kúsheıtý; alǵashqy medısınalyq-sanıtarlyq kómek kórsetýdi kúsheıtý, birinshi kezekte sozylmaly aýrýlary bar adamdarǵa, 65 jastan asqan adamdarǵa jáne júkti áıelderge nazar aýdarý; syrqattanýshylyqtyń odan ári ósýi yqtımaldyǵynda rezervtik ınfeksııalyq oryndardyń bolýyn qamtamasyz etý; óńirdiń turaqtandyrý qorynan dárilik zattar men medısınalyq buıymdardy stasıonarlarǵa úzdiksiz jetkizýdi qamtamasyz etý.
Premer-Mınıstr Aqtaý qalasynda salynǵan 200 tósek-oryndyq modýldi juqpaly aýrýlar aýrýhanasyn aralap, óńirge jetkizilgen jedel járdem mashınalaryn jáne elimizde qurastyrylǵan jyljymaly medısınalyq keshenderdi kórdi.