Qazaqstan stýdentteri Alıansynyń XVII respýblıkalyq sleti ótti

Is-sharaǵa onlaın-platforma arqyly ınteraktıvti rejımde eldiń barlyq óńirinen 300-den asa jastar, sonyń ishinde 100-den astam TjKB men JOO janyndaǵy Jastar isi jónindegi komıtet tóraǵalary, jastar jáne stýdenttik uıymdardyń kóshbasshylary, jastarmen jumys departamentteriniń dırektorlary, JOO prorektorlary qosyldy.

Respýblıkalyq slettiń aıasynda QR Aqparat jáne qoǵamdyq damý mınıstrligi Jastar jáne otbasy saıasaty komıtetiniń tóraǵasySh.A. Baımanov sóz sóıledi. Sh.A. Baımanov óz sózinde stýdettik qozǵalysty 15-jyldyǵymen quttyqtap, stýdent jastardyń eldiń damýyndaǵy mańyzdy rólin atap ótip, olardyń ózin-ózi basqarýyn damytý, jastardyń bastamalaryn qoldaý boıynsha jáne t.b. júzege asyrylyp jatqan sharalar týraly aıtty.

Sonymen qatar, QR Parlamenti Májilisiniń depýtaty G.G.Shıpovskıh, «Atameken» UKP basqarma tóraǵasynyń orynbasary O.T.Ordabaev, ýnıversıtetter basshylyǵy jáne elimizdiń stýdent jastary  kezdesip qazaqstandyq bilimdi damytý jáne zamanaýı syn-qaterlerdiń bilim sapasyna áserin, kadrlardyń biliktiligin kóterý, jas mamandardy jumyspen qamtý máselelerin jańa formatta ashyq talqylady.

Talqylaýdyń qorytyndysy boıynsha usynym ázirlenip, «Halyq únine qulaq asatyn memleket» tujyrymdamasy aıasynda  memlekettik organdarǵa joldanatyn bolady.

Odan basqa, slıot aıasynda «Eń úzdik jastardyń ózin-ózi basqarýy», «Debattyq týrnır» konkýrsynyń jeńimpazdary, «Qazaqstan altyn jastary» syılyǵynyń laýreattary jáne t.b. arnaıy syılyqtarmen, alǵys hattarmen marapattaldy.