Bir kólikke eki túrli nómir taǵýǵa bola ma? Atyraýlyq júrgizýshi osyndaı áreketimen ustaldy.
«Atyraý qalasynda patrýldik polıseıler «VAZ-2114» avtokóligin toqtatty. Tekserý kezinde Reseı Federasııasynda tirkelgen jeńil kóliktiń aldyńǵy jaǵyna taǵylǵan memlekettik belginiń áriptik sımvoldary ózgertilgeni anyqtaldy. Kólik quraly arnaýly aıyp turaǵyna qoıyldy» dep habarlady oblystyq polısııa departamentiniń baspasóz qyzmeti.
Ustalǵan júrgizýshiniń jasy 38-de eken. Onyń mundaı áreketke nege barǵany ázirge belgisiz. О́ıtkeni, polıseıler onyń bul áreketinen qylmystyq quqyq buzýshylyq belgilerin anyqtaý úshin tekserý júrgizip jatyr.