Massachýsets jalpy aýrýhanasynyń zertteýshileri halyqaralyq dermatologııalyq qoǵamdar lıgasymen jáne amerıkandyq Dermatologııa akademııasymen birlese otyryp COVID-19-ǵa tán emes jańa sımptomyn anyqtady.
COVID-19 juqtyrǵan 12 myń adamnyń aıaǵyndaǵy úsik shalý belgilerin eske túsiretin qatty titirkený men qyzarý paıda bolǵan. Dermatologtar bul qubylysty «Kovıdti saýsaqtar» dep atady.Naýqastardyń aıtýynsha qoldary men aıaqtarynyń saýsaqtarynda paıda bolǵan qyzyl jáne kúlgin túınekter azdap aýyrǵanymen, qyshymaıdy eken. Bórtpe jazylǵannan keıin teriniń ústińgi qabaty qabyrshaqtanyp túsip qalady eken.Dárigerler teriniń mundaı qabynýy men koronavırýstyń arasyndaǵy baılanysty "Kovıdti saýsaqtary" bar balalardyń terisiniń bıopsııasy arqyly anyqtaǵan.Mundaı belgiler, ádette, COVID-19 juqtyrǵannan keıin orta eseppen bir-eki apta boıy saqtalady, biraq keıbir naýqastarda olar uzaq ýaqyt, 130 kúnge deıin saqtalady eken.Zertteýshiler jańa derekterdiń dárigerlerge COVID-19 juqtyrǵan, alaıda indettiń aıqyn belgileri baıqalmaǵan naýqastardy anyqtaýda óz septigin tıgizerine senimdi.