Kásipkerler kóbeıip keledi

О́tpeli kezeńniń ókpek jeline qa­byr­ǵasy qaıysqan aýyl turǵyndary al­ǵashqy kezde abdyrap qalǵany da shyn­dyq. Naryqtyq qatynastar beı­má­lim dúnıe bolatyn. Oıǵa alǵanyń túgel júzege asa bere me? Alǵashqy um­ty­lysta joly bolmaǵandar keıin beti qaı­typ, daǵdaryp ta qaldy. О́ıtkeni olar kásipkerliktiń qyr-syryn bile ber­meıtin. Búgingi tańda ol olqylyqtyń or­nyn toltyrýǵa qam jasalyp jatyr. Baǵ­dar­lamaǵa qatysýshylar kásipkerlik daǵ­dylaryn jete meńgerip, bıznes jobalaryn daıyndaýǵa úırenýde. Osy arqyly óz isteriniń alǵa basatyndaryna senimdi.

Bıyl aýdanda baǵdarlama arqyly oqyǵan 54 adam nesıe alady dep jos­parlanǵanymen, tek 14-ine ǵana 58 mln teńge kóleminde nesıe berildi. Bir aıta keterligi, táýekel etip, nesıe alý­shy­lardyń kópshiligi ata kásip – mal sha­rýashylyǵymen aınalyspaqshy. Shy­nynda da, ǵasyrdan ǵasyrǵa jalǵasyp kele jatqan, atadan mıras bolyp qalǵan bul sharýanyń qatparly qupııasy da joq. Tek óz isińe barynsha muqııat bol­sań bolǵany.

Oıǵa alǵan is ońǵarylyp ketse, óńir­degi azyq-túlik baǵasy da arzan­daýy ábden múmkin. Onyń ústine mal basy ósken saıyn bireýler jem-shó­bin daıyndap, endi bireýler d­aıyn ­ónimdi ótkizip, qarjy tabarlyq qa­re­ket kóbeıedi. Aýdandyq jumyspen qam­tý ortalyǵynyń mamany Aıjan Mu­ha­­medıevanyń aıtýyna qaraǵanda, bıyl 31 grant bólingen eken. Qazirgi kúni baǵdarlamaǵa qatysýǵa suranys kóbeıe túsken. Bul da – jaǵymdy jaıt. О́ıtkeni aýyl turǵyndary adal eńbektiń násibin kórmekshi bolyp, um­tylǵany durys. Yntalanýshylar bar bolǵan soń bıýdjettik ótinim de berilgen.

Qazir aýdanda ózgege úlgi bolarlyq jańa kásipkerler legi qaýlap ósip keledi. Olardyń isi berekeli bolǵan saıyn, ózgeler de qatardan qalmaıyq dep qamdana túsýde. Kásipkerliktiń damýynyń arqasynda sán salony, teh­­nıkalyq qyzmet kórsetý stansasy ashylyp, halyqqa qyzmet ete bas­taǵan. Osyndaı talapty jannyń biri – aýdan turǵyny Elena Gorbýnova baǵ­darlama aıasynda shaǵyn nesıege qol jetkizipti. Aldymen kásibı biligin shyń­daıtyn kýrs bitirgen. Tıimdiligin egjeı-tegjeıli ekshegen, bıznes jos­paryn jasaǵan. Buryn biryńǵaı saýdamen aınalysqan adam úshin kásipkerlik tańsyq dúnıe emes. Demeý bolarlyq 6 mln teńge nesıe qolyna tıgen soń azyq-túlik satatyn dúken ashyp alypty. Qazir bul dúkende jergilikti sharýa­shylyqtarda óndirilgen kókónis pen sút ónimderi satylady.

– Aýdandaǵy baǵany baıyptap qa­rap, tym ósirmeýge tyrystym. Sonda ónimim ótimdi bolady, halyqqa da jaq­­sy. Al sharýashylyq basshylary beı­netin belden keship júrip óndirgen ónim­derin tapsyratyn jer izdemeıdi, – deıdi ol.

Jumysyn dóńgeletip otyrǵan ká­sipker aldaǵy ýaqytta tushpara sehyn ashyp almaqshy. Eger bul oıy júzege assa, birneshe adamǵa jumys bolmaq.

Aqmola oblysy

Bulandy aýdany