Aǵartýshy Aldabergen

Alda­bergen Myrzabekov 1930 jyly qazirgi Qaraǵandy oblysy, Jańaarqa aýdany, Túgesken aýy­lynda týyp­ty. Jaryqtyq eki jyl­dyń aldynda dúnıeden ótti. 

Baı-ólkeniń óner tarıhyn zertteýshi Taıf Táýkeıuly jazǵan «Mońǵolııa qazaqtarynyń teatr tarlandary» atty kitaptyń 266-shy betinde: «О́tken ǵasyrdyń ortasynda kemeldengen sosıalızm jolyna túsken Mońǵol úkimeti eldiń batys shebinde ómir súrip jatqan qazaqtardyń mýzyka, saz ónerin kásibılendirý maqsatynda Qazaqstannan joǵary deńgeıli maman shaqyrdy. Birinshi bolyp Habıdolla Tastanov keldi. Ol kisiden keıin izin jalǵap 1962 jyly Aldabergen Myrzabekov kelip, ult aspaptar orkestrine dırı­jerlik qyzmet atqardy. Alda­bergen aǵaı ózin ult janashyry retinde kórsete bildi. Shartty kelisim merzimi aıaqtalǵan soń da, bastaǵan isin jol ortada tastap ket­peı, taǵy eki jyl jumys istep, orkestrdi bıik deń­geıge kóterdi. Bul kisiniń basty qasıeti – mýzyka mádenıetine óte jetik, partıtýrany jatqa biletin qabi­letti maman edi», dep jazypty.

Osylaı Qobda beti qazaqtaryn aǵartýǵa barǵan Aldekeń kóptegen shákirt tárbıelegen. Sonyń biri qazir jasy seksenniń seńgirine shyqqan qaraǵandylyq Raıhan Muhametulynyń este­liginde: «Baı-ólke aımaǵynda 1956 jyly mýzykalyq drama teatr ashylyp, ony aıaǵynan turǵyzý úshin Qazaqstannan H.Tastanov aǵamyz keldi. Ol kisi 1961 jyly eline ket­ken soń bir jyldan keıin ornyna Aldabergen Myrzabekov aǵaı keldi. Bul kisi qazaq kúı ónerin orkestrge túsirýdiń shynaıy sheberi, kúı tabıǵatyn erekshe tanyǵan dańq­­ty dırıjer edi. Ásirese Qur­manǵazynyń «Kisen ashqan», «Túr­meden qash­qan», «Aman bol, sheshem», «Sary­jaılaý», «Sary­arqa», «Ala­taý» kúılerin bizdiń orkestrge beıimdep berdi. Onyń syrtynda, Aldekeń «Tulba kól shaıqasy» atty spektaklge halyq kúıleri negizinde mýzyka jazyp shyqty», depti.

Kóp aıtyla bermeıtini bolmasa, sosıalızm dáýirinde shetel qazaqtarynyń óner-mádenıeti úshin atsalysqan, mańdaı terin tókk­en tulǵalar kóp.