Batys Qazaqstan oblysynda qurylys qarqyny jyl sanap artyp keledi. 2020 jyly «Nurly jer» baǵdarlamasy sheńberinde 17 kóppáterli turǵyn úı, aýyldyq eldi mekenderde 139 turǵyn úı jáne 20 aqparattyq-kommýnıkasııalyq ınfraqurylym nysanyn salý kózdelgen.
– Bıyldyń ózinde 2 977 páter óz ıesin tabady. Baǵdarlama sheńberinde turǵyn úı qurylysyna – 21,1 mlrd teńge, ınfraqurylymdarǵa – 3,4 mlrd teńge bólingen, – deıdi Batys Qazaqstan oblystyq qurylys basqarmasy basshysynyń mindetin atqarýshy Nurken Moldashev.
О́ńirde jalǵa beriletin turǵyn úı qurylysy da qarqyndy. Bıyldyń ózinde buǵan 5,5 mlrd teńge bólinip, bul qarjyǵa jalpy sany 738 páterlik 4 bıik úı, aýylda jalpy sany 234 páterlik 99 turǵyn úı salynyp jatyr. Osylaısha, barlyǵy 972 páter salý kózdelgen.
Respýblıkalyq bıýdjetten bólingen qomaqty qarajatqa Aqsaı qalasynan jáne Aqjaıyq, Jańaqala, Qaztalov, Jánibek aýdandarynan halyqtyń áleýmettik osal toptary úshin 1,324 mlrd teńgege 470 páter, kópbalaly otbasylar úshin 2,1 mlrd teńgege 370 páter salynyp jatyr. Sondaı-aq jergilikti bıýdjetten de osy maqsatqa 2,1 mlrd teńge bólingen. Aıta keteıik, bir ǵana Qaratóbe aýylynda 67 úıdiń qurylysy júrýde.
Keıbir aýdandar jergilikti bıýdjet esebinen de qarjy kózin tapqan. Máselen, Jańaqala aýdany bıýdjetinen 21,3 mln teńge bólip, 3 qabatty turǵyn úı qurylysyn bastasa, Bókeı ordasy aýdany bıýdjetinen bólingen 50,0 mln teńgege ekipáterlik 4 úı salynbaq.
Oral qalasy men Aqjaıyq, Bórli, Bókeı ordasy, Qaratóbe, Terekti aýdandarynda 20 aqparattyq-kommýnıkasııalyq ınfraqurylym nysanyn salý úshin 3,4 mlrd teńge bólindi. Onyń 17 nysany respýblıka bıýdjeti esebinen kóterilmek.
– 2020 jylǵa arnalǵan turǵyn úıdi paıdalanýǵa berý jospary 484,9 myń sharshy metrdi quraıdy. Sonyń 120,1 myń sharshymetri memlekettik bıýdjet esebinen salynady. Onyń ishinde 39,1 myń sharshy metr turǵyn úı jalǵa berilse, 81,05 myń sharshy metr nesıelik jolmen ıesin tabady, – deıdi Nurken Ediluly.
Osylaısha, 2020 jyldyń qorytyndysy boıynsha 8 kóppáterli turǵyn úı (1 377 páter) jáne aýyldyq eldi mekenderde 93 turǵyn úı (233 páter), barlyǵy 1 610 páterdi paıdalanýǵa berý josparlanǵan. Onyń ishinde «Turǵyn úı qurylys jınaq banki» salymshylary úshin jalpy sany 963 páterlik 6 úı, Terekti aýdanyna qarasty Toqpaı aýylynda 120 páterlik 20 úı bar.
Sonymen qatar aldaǵy jyly qurylys qarqyny qalaı bolatyny da mańyzdy.
– 2021 jyly jalǵa beriletin turǵyn úı qurylysyn júrgizý úshin respýblıka bıýdjetinen 2,7 mlrd teńge bólinýi qazirdiń ózinde sheshildi. Atalǵan qarajatqa Oral men Aqsaı qalasynda kóppáterli qos úıdiń, Qaztalov, Jańaqala, Jánibek aýdandarynda kezekte turǵandar úshin jalǵa beriletin 26 turǵyn úıdiń qurylysyn aıaqtaý josparlanýda. Sondaı-aq aýyldyq eldi mekenderde 16 úıdiń qurylysy bastalmaq. Onyń ishinde Tasqala, Terekti, Aqjaıyq, Shyńǵyrlaý aýdandarynda 3 qabatty 10 úı, Báıterek, Aqjaıyq aýdandarynda eki qabatty úıler, Qaratóbe aýdanynda 4 páterli 3 úı salý josparda tur, – deıdi N.Moldashev.
2021 jylǵa arnalǵan aqparattyq-kommýnıkasııalyq ınfraqurylym nysandary qurylysyna da respýblıkalyq bıýdjet esebinen aldyn ala 3,99 mlrd teńge qoldaý taýypty. Atalǵan qarajatqa Oral qalasy, Bórli, Tasqala, Bókeı ordasy, Jańaqala, Shyńǵyrlaý, Qaztalov, Aqjaıyq, Terekti aýdandarynda 23 jobany iske asyrý josparlanǵan. Onyń ishinde 19 joba boıynsha jeke turǵyn úı qurylysy úshin aqparattyq-kommýnıkasııalyq ınfraqurylym jer ýchaskelerine jetkiziledi.
Sondaı-aq qurylysy bıyl bastalǵan kóppáterli 7 turǵyn úı jáne Terekti aýdany Toqpaı aýylyndaǵy 20 kredıttik úı 2021 jyly óz ıelerin kútedi.