Tólengen qosymsha qun salyǵy somalaryn qaıtarý týraly aqparat jalǵan. Qarjy mınıstrligi Memlekettik kirister komıteti mundaı tólemder týraly aqparatty resmı túrde joqqa shyǵarady.
Áleýmettik jeliler men vıdeo hostıngterde «18 jastan asqan árbir azamat tólemdi alýǵa quqyly» degen beınefılm taralyp jatyr.
Atap aıtqanda, onda birneshe jyl ishinde tólengen QQS somalaryn qalaı qalpyna keltirý týraly aıtylady. Alaıaqtar azamattardy aqshany qaıtarý úshin jalǵan veb-saıtqa baǵyttaıdy. Iаǵnı kez kelgen adam tólenbegen qarajatty qaıtarý boıynsha biryńǵaı ótemaqy ortalyǵy veb-saıtyna kirýi kerek. Jalǵan nusqaýlyqty túsindirý kezinde avtor kórermennen óziniń derekterin, onyń ishinde bank kartasynyń nómirin, shottaǵy qarajaty ıelenýge múmkindik beretin CVV/CVC kodyn kórsetýin suraıdy.
Beıne jazbada nemese jalǵan saıtta oń pikirler bolýy múmkin. Alaıda bul jazbalar da shyndyqqa janaspaıtynyn eskertedi mamandar.
Osy jyldyń basynda Qazaqstanda alaıaqtar quryp, YouTube-te taraǵan fıshıngtik ınternet-resýrs anyqtalǵan edi.
Osydan keıin KZ-CERT servısiniń taldaýy nátıjesinde «Internet segmentindegi fıshıng/alaıaqtyq» dep jiktelgen aqparattyq qaýipsizdik oqıǵasy anyqtalyp, munda paıdalanýshylardyń jeke derekteri men banktik kartalary týraly málimetter jınaldy.
Vıdeo avtory jańa zań jobasyna sáıkes, QQS qaıtarý úrdisi barlyq satyp alýlar boıynsha taralatynyn habarlady. Bul maqsatta «Tólenbegen qarajatty qaıtarý úshin» biryńǵaı ótemaqy ortalyǵy quryldy», delingen alaıaqtar taratqan habarlamada.
Bul oraıda Memlekettik kirister komıteti qazaqstandyqtardy saq bolýǵa jáne kúmándi aqparatqa senbeýge shaqyrady.