Oblystyq máslıhat hatshysy osylaı dep otyr. Jemqorlyqty joıý úshin Túrkistan oblysynda kóptegen qanatqaqty jobalar júzege asýda. Sonyń biri – bilim salasynda engizilgen JUMYS.SITCEN.KZ júıesi. Prezıdent Ákimshiligimen respýblıkada eń úzdik retinde tańdalǵan bul júıe basqa óńirlerge keńinen taratylýda. Osylaısha óńirde jalpy orta bilim berý uıymdary pedagogterin jumysqa qabyldaý jáne mektep dırektorlaryn konkýrstyq taǵaıyndaý barysy avtomattandyrylǵan.
Degenmen bilim salasyndaǵy jemqorlyq azaıar emes. Ásirese kolledjderge qatysty shaǵymdar kóp. «Onda jemqorlyq eki baǵytta bolady. Bastysy – memleketten alatyn grantqa talas. Osy másele boıynsha birqatar kolledj basshylary ustalǵan. Sondaı-aq kóptegen kolledj stýdentteri tizimde ǵana bar da, shyndyǵynda sabaqqa múldem kelmeıdi. Shákirtaqysyn muǵalim jáne kolledj basshysy ózara jınaıdy. Stýdent sabaqqa barmaı jumys isteıdi, saýdada júredi. Osylaısha, jastardyń da túsiniginde kolledj týraly jemqorlyq pikir qalyptasady. Osyndaı olqylyqtar oryn alýda, ony moıyndaýymyz kerek. Bul máselelerge qatysty zańdy tetikterdi iske qosý kerek», dedi oblystyq Nur Otan partııasy fılaly tóraǵasynyń birinshi orynbasary Beısen Tájibaev Sybaılas jemqorlyqqa qarsy is-qımyl agenttigi janynan qurylǵan respýblıkalyq aqparattyq-aǵartýshylyq shtaby ókilderimen ótken kezdesýde.
Al oblystyq máslıhattyń hatshysy Qaırat Balabıev kórsetkish qýyp, statıstıka úshin jumys isteýge bolmaıtynyn jetkizdi. «Osy oraıda zań talaptaryna ózgerister engizý qajet-aq. Qazirgi kezde memlekettik qyzmetshiler qorqady. О́z betterinshe sheshim qabyldaı almaıdy. О́ıtkeni qyspaq kúshti. Mysaly aýyldarda ákim bolýdan el qashady, eshkim barǵysy kelmeıdi. Sondyqtan negizsiz qýdalaýdy azaıtý qajet. Zańdy ózgertpeı tártip bolmaıdy», dedi máslıhat hatshysy.
Syndarly dıalog qurý jáne keńeıtilgen aqparattyq is-sharalar arqyly parasattylyq qaǵıdattaryn damytý negizgi maqsaty sanalǵan kezdesýde sybaılas jemqorlyqtyń aldyn alýdy kózdegen shtab músheleri qoǵamdyq sanaǵa serpilis jasaý arqyly jemqorlyqty joıýǵa bolatyndyǵyn aıtty. Oblys ákimi О́mirzaq Shókeev korrýpsııamen kúresýdiń eń negizgi joly – onyń aldyn alý ekenin, óńirde jemqorlyqtyń burynǵy jyldarmen salystyrǵanda edáýir tómendegenin aıtyp ótti. Osy rette, Respýblıkalyq aqparattyq-aǵartýshylyq shtabymen birlese jumys isteýdiń jańa serpin beretinin atady.
О́z kezeginde Agenttiktiń Parasattylyq departamentiniń dırektory Ǵ.Asanuly aqparatqa qoljetimdilikti ońtaılandyryp, memlekettik bılikke degen senimderin arttyrý jáne bılik pen azamattyq qoǵam arasyndaǵy baılanystyń tikeleı arnasyn qurý maqsatynda qurylǵan «Ashyq bıýdjetterdiń ınteraktıvti kartasy» jobasymen tanystyrdy. Túrkistan oblysy boıynsha mekemelerdiń jalpy somasy 373, 6 mlrd teńge bıýdjeti jarııalanǵan. Bul oraıda departament basshysy jyl sońyna deıin tolyq jarııalanýy boıynsha usynys-pikirin bildirdi. Memleket basshysy Qasym-Jomart Toqaevtyń «Halyq únine qulaq asatyn memleket» tujyrymdamasynyń negizinde azamattarǵa qolaıly, qoljetimdi jáne jedel qyzmet kórsetetin «Servıstik ákimdikterdiń» Túrkistan oblysynyń 8 qala, aýdanynda ǵana ashylǵan. Bul oraıda Ǵanıjan Asanuly ashyqtyqty qamtamasyz etetin servıstik ákimdiktiń óńirdegi barlyq qala, aýdandarda ashylýy tıis ekenin jetkizdi. Al Sybaılas jemqorlyqqa qarsy is-qımyl agenttiginiń janynan qurylǵan aqparattyq úgit-nasıhat shtabynyń tóraıymy Yrza Tursynzada: «Ult bolyp uıysýdyń basty tetigi – rýhanı tárbıe, ıaǵnı adamzattyń boıynda adamgershilik, adaldyq, ádildik jáne parasattylyq syndy quny bıik qasıetter bolsa, sonda ǵana sybaılas jemqorlyq sııaqty teris qubylystyń qoǵam ómirinde joly kesiledi», dep atap ótti.
Agenttiktiń Túrkistan oblysy boıynsha departamentiniń basshysy Hakım Kóshqalıev, oblystyq ákimdiktiń bólim basshylary men qyzmetkerleri, oblystyq máslıhat depýtattary, aýmaqtyq departament basshylary, oblystyq aqparattyq úgit-nasıhat shtabynyń tóraǵasy, arnaıy monıtorıngtik top músheleri, úkimettik emes uıym ókilderi qatysqan jıynda, sondaı-aq halyqpen syndarly suhbat qurý jáne parasattylyq qundylyqtaryna kóbirek kóńil bólý, jemqorlyq kórinisterin qabyldamaý arqyly adal eńbek etý – árbir el azamatyna júktelgen ortaq mindet ekeni aıtyldy.
Túrkistan oblysy