Eren eńbekti ekshegen

Qazir qalaǵan kitabyńdy qolǵa túsire almaısyń. Baspasóz arqyly habarlanyp, oqýǵa qumartyp júrgen kitaptarymnyń biri Mah­mut Qasymbekovtiń Tuńǵysh Pre­zı­dentimiz N.Á.Nazarbaevtyń eńbek, ómir joly týraly týyndysy bolatyn. Meni bir jaǵynan birneshe jyl Elbasynyń kúndelikti isine tikeleı kýáger azamattyń baıandaýy qyzyqtyrǵan edi.

 

EFIRGE ShYQQANShA ASYǴAMYN

Qazir qalaǵan kitabyńdy qolǵa túsire almaısyń. Baspasóz arqyly habarlanyp, oqýǵa qumartyp júrgen kitaptarymnyń biri Mah­mut Qasymbekovtiń Tuńǵysh Pre­zı­dentimiz N.Á.Nazarbaevtyń eńbek, ómir joly týraly týyndysy bolatyn. Meni bir jaǵynan birneshe jyl Elbasynyń kúndelikti isine tikeleı kýáger azamattyń baıandaýy qyzyqtyrǵan edi.

Shyndyǵyn aıtqanda, kór­nek­ti tulǵa jóninde kitap jazý, oqyrmandarǵa memleket basqarý syndy kúrdeli mindet­tiń kóp­shiligimizge belgisiz qyr-syrlaryn jetkizý, ózimiz maqtan eterdeı eli­mizdiń ósip-órkendeýindegi, álem aldynda bedel-abyroıyn asy­rý­daǵy qıyn qyzmettiń astaryn ashý ekiniń bi­riniń qolynan kele qoımas, kelgen kúnniń ózinde soǵan táýekel etý de azamattyq erlik­teı ǵoı.

Burynnan qulaqtanyp júrgen kitabymnyń taraýlary «Shalqar» radıosy arqyly oqyla bastaýyna qýanyp qaldym. Qazir kóz nury tómendep, burynǵydaı uzaǵynan tesilip oqýǵa múmkindik azaıǵan shaqta dıktordyń qulaqqa jaǵymdy daýysymen áserli oqylýy, mýzyka únimen kórkemdelýi kúnnen-kúnge baýrap barady. Atalǵan radıonyń, ásirese, «Altyn qorynan» be­ri­letin habarlaryn buǵan deıin súı­sine tyńdaýshy edim. Bul da bir kóńilimizden shyqqan úrdis bol­dy. Meńinshe, ony taspaǵa jazyp alyp, mektep oqýshylaryna tyń­da­typ, arnaýly sabaq ótkizý uıym­das­tyrylsa artyqtyǵy bolmas edi.

Táýelsizdik jyldarynda Ota­ny­myzdyń kóterilgen bıigi erte­gige bergisiz ekenin bárin salys­tyra qaraıtyn, kópti kórgen aǵa býyn erekshe maqtan tutady. Mu­nyń bári mańdaıymyzdyń baqytyna buıyrtqan kóregen basshymyz, kemeńger saıasatker Nursultan Ábishuly Nazarbaevtyń qajyrly eńbeginiń jemisi dep bilemiz. «Jaqsynyń jaqsylyǵyn aıt, nury tasysyn» deıdi halqymyz. Súıik­­ti «Shalqar» radıosynyń ár keshtegi osynaý habary efır­ge shyqqansha asyǵamyz.

Sartbaı TО́KENOV,

zeınetker.

Qaraǵandy oblysy,

Jańaarqa aýdany,

Sáken Seıfýllın aýyly.

 

«ShALQAR» ShAŃYRAǴYNAN ShAShYLǴAN ShATTYQ

Radıo tyńdaý meniń bala kezimnen bergi ádetim. Sol kezeńderi aýyldyq jerdiń negizgi quralyna, sánine aınalǵan radıo úni – biz úshin qulaqsińdi ún. Qazirgi tańda túrli aqparattyq quraldar qatary kóbeıip, tipti, álemniń ár qıyrynan úlkendi-kishili habar-oshardy kózdi ashyp-jumǵansha jetkizip turǵan ǵalamtor múmkindigi sheksiz bolǵannyń ózinde, men radıo tyńdaý daǵdymnan jańylǵan joqpyn.

Árbir kúndi egemen elimizdiń Ánuranymen bastap, «Qaıyrly tań, Qazaq eli!» dep áýe tol­qynynda qalyń qazaqpen aman­dasatyn «Shalqar» radıosy radıo tyńdaıtyn barsha tyń­darmanǵa tanys dep bilemin. Alýan baǵdarlamalary bar, qa­zir­gi kúnniń ózekti máselelerin taqy­ryp etip, áńgime, talqylaý alańyna alyp shyǵyp otyratyn radıodaǵy «El jáne Elbasy» baǵ­darlamasy – orny bólek dú­nıe. Bizdiń elimiz úshin qazir, eń bas­tysy, táýelsizdikti qadirleý, mem­leketimizdiń nyǵaıýyn árbir adamnyń perzenttik paryz retinde uǵynyp, úles qosýy, búginde álemge óz únin estirtip, jaqsy qada­mymen tanyla bastaǵan elimiz­diń kósh basynda turǵan tulǵa – Tuńǵysh Prezıdentimiz N.Na­zar­baevtyń saıasatyn qoldap-qýattaý dep bilemin. Osy oraıda eli­mizdiń ótkenin búginmen sabaq­tastyryp, táýelsizdik alǵan 22 jyl ishindegi tolaǵaı tabystar, oǵan jetý jolyndaǵy qıyndyqtar týraly jan-jaqty málimet beretin bul baǵdarlama – urpaq úshin de qundy aqparat kózi. Men, ásirese, ustazdardyń osy baǵdarlamany tyńdap, mektepterde oqýshylardyń otansúıgishtik qyryn damytý úshin qoldanýyna, sabaqtyń yńǵaıyna, talabyna qaraı paıdalanýyna keńes berer edim.

Qazirgi qazaq qoǵamyndaǵy Elbasy rólin, onyń jas mem­le­ke­­timizdi aıaǵynan turǵy­zý baǵy­tyndaǵy eren iste­rin tanytýdaǵy atalǵan baǵdar­la­manyń mańyzyn qýattaı otyryp, osy kompozısııaǵa ar­qaý bol­ǵan M.Qasymbekov kitaby­nyń qundylyǵy zor desek, qateles­peımiz.

Elimiz sara jolynan jańyl­masyn, eldik abyroıymyzdy asyryp, urpaq tárbıeleýge jaqsy isterimen atsalysar aıbarly azamattar aman bolsyn deımin.

Gúljan ISMÝRZINA,

oblystyq Qazaqstan halqy Assambleıasy hatshylyǵynyń

basshysy.

Aqtaý.

 

О́RELI О́MIR – ÁRKIMGE О́NEGE

«Shalqar» radıosynan Mahmut Qasymbekovtiń «Elin súıgen, eli súıgen Elbasy» kitaby boıynsha jasalǵan radıokompozısııany basynan bastap tyńdap kelemin. Tańǵy 07.30-dan bastap, tún ortasyna deıin birneshe ret beriledi. Qazaqstan Respýblıkasynyń eńbek sińirgen ártisi Sholpan Baı­ǵabylova men Amanjan Eń­sebaev naqyshyna keltirip oqy­ǵanda Elbasy týraly shyǵarma qul­pyra túskendeı bolady. Osy shyǵarmany oqýdyń sáti meniń Máskeýdegi M.Shepkın atyndaǵy joǵary teatr ýchılıshesin bir­ge támamdaǵan kýrstasym, árip­te­sim Sholpan Baıǵabylqyzy men baıyrǵy dıktor Amanjan Serik­ulyna buıyrǵanyna da qýany­sh­tymyn.

Men negizi radıo tyńdaǵandy burynnan durys kóremin. Radıo, birinshiden, eshkimniń ýaqytyn almaıdy, kez kelgen kisi sharýasyn istep júrip-aq barlyq aqparattan qalys qalmaıdy. Qazir úıde Elbasy Nursultan Nazarbaev týraly radıokompozısııanyń efırge shyǵatyn kezin kútip otyramyn. Shirkin-aı, osy shyǵarmany jastar jaǵy qalaı tyńdap júr eken?! Elbasynyń ónegeli ómiri jóninde kóbirek bilý bizden buryn solarǵa kerek. Shyǵarma bizdiń zamanymyzdaǵy asa iri tulǵanyń bala kezinen bastalady. Tyńdap otyryp, onyń aldyna maqsat qoıa bilgeni, aldaǵy ómirin shynaıy armandaǵany meni qatty qyzyqtyrdy. Ol Prezıdent bolamyn dep armandaǵan joq, eline, jerine paıdasy tıetin adam bolamyn, qazaq degen halyqtyń atyna kir keltirmes er bolamyn dep alǵa umtyldy. Sonymen qatar, jas Nursultannyń batyl sheshimderge baratyn táýekelshil, ójettigi de ekiniń biriniń boıynan tabylmaıtyn qasıet.

Qazir bizdiń jastarymyzda alǵa maqsat qoıa bilý kemshin emes pe degen oı keledi maǵan. Boıda qýat, júrekte jalyn bar jastyq shaqta nege alǵa umtylmasqa? Jastyq shaq eki aınalyp kelmeıdi. Shyǵarmany tyńdap otyryp meniń túıgenim, Nursultan Ábishuly jas kezinen bastap ýaqytty baǵalaı bildi. О́mirdiń ózi qamshynyń sabyndaı qysqa ýaqyt emes pe? Ol ár kúnin, múmkin, ár saǵatyn bos jibermeýge tyrysty. Bálkim, Nazarbaevtyń bıik shyńdardy baǵyndyrýynyń sebebi de osynda jatqan shyǵar? Shyǵarmada Prezıdenttiń ósý joldary tamasha beriledi. Onyń bıikke bastaǵan joly taqtaıdaı tegis te bolǵan joq. Túıini myqty sátterdiń sheshim tabýy shyǵarmada jaqsy sýretteledi.

Radıokompozısııanyń tili, mý­zy­kamen kórkemdelýi, berilý pishini maǵan óte unady. Ony jurt­shylyqtyń tyńdaýyn qa­lar edim. Bir ret tyńdaǵan kisi jalǵa­syn kútip otyraryna taǵy kepil­min.

Qaıypbergen ESENǴULOV,

I.Omarov atyndaǵy

oblystyq qazaq drama

teatrynyń akteri.

QOSTANAI.

 

SYLDYRAP О́ŃKEI KELISIM

Reseıden ata-baba qonysyna kóship kelgenimizge biraz boldy.Qazir báıbishem ekeýmiz syrttan kelgen aǵaıyndarymyz úshin arnaıy salynǵan Báıterek aýylynda turyp jatyrmyz. 150 tútini bar eldi mekende О́zbekstannan, Reseıden jetken otandastarymyz óz taǵdyrlaryn toǵystyrǵan.

Muny aıtyp otyrǵan sebebim, ózimiz kúnde tyńdaıtyn radıodan Táýelsizdigimizdiń eleń-alań shaǵynda Elbasymyzdyń janynan tabylyp, senimdi serigi bola bilgen qoǵam qaıratkeri Mahmut Qasymbekovtiń «Elin súıgen, eli súıgen Elbasy» atty tanymdyq kitabynan berilgen sıkldy áńgimelerdi tyńdaı otyryp, úsh eldiń biri retinde Qazaqstannyń óz qandastaryn qarsy alýdaǵy Uly kóshtiń qalaı bastalǵany jaıly kóp maǵlumat aldym. Memleket basshysynyń balalyq shaǵynan bastap suńǵyla saıasatker, dana kóshbasshy dárejesine deıin kóterilgen tulǵasy qarapaıym tilmen sýrettelgen. Ár kún saıyn tús mezgilinde otbasymyz bolyp taǵatsyzdana tosamyz.

Toqsanynshy jyldar meniń de kóz aldymda. Týǵan jerge býynyp-túıinip, qansha oralýǵa umtylsaq ta, qalaı qarsy alar eken degen túısik pen senimsizdik ishteı tejeı berdi. Aldymen balalardy attandyryp, sosyn ózimiz atbasyn burdyq. Shynyn aıtsam, dál osyndaı qurmetke bólenemiz, jaıly baspanaǵa ıe bolamyz dep esh oılamap edik. Elge kelgenimizge esh ókinbeımiz. Mahmut baýyrym osy kezeńdi aınytpaı sıpattaǵan, Nursultan Nazarbaevtyń «Jar basynda turǵan edik» degen teńeýin ádemi keltirgen.

О́z basym «syldyrap óńkeı kelisim» degendeı, osyndaı tanymdyq habarlardyń radıodan úzilmeýin tileımin. О́ıtkeni, kitapta Prezıdenttiń qarapaıym halyq bile bermeıtin qasıetteri, kúreskerlik tulǵasy kórkem tilmen baıandalǵan. Búginde ekiniń biri kitap oqı bermeıtini aıan. Oǵan ýaqyt ta tapshy, enjarlyǵymyz da jibermeıdi. Olaı bolsa, radıo arqyly da jastarymyzdy adamgershilikke, asyl qasıetterge, eldi, jerdi, Otandy súıýge úndeýge bolatynyna ábden kózim jetti.

Qaırolla SÚLEIMENOV,

eńbek ardageri.

Soltústik Qazaqstan oblysy,

Qyzyljar aýdany,

Báıterek aýyly.