Qazaqstan qurama komandasy 37-shi Balqan matematıka olımpıadasyna (Balkan mathematical olympiad) qatysty. Rýmynııa eli uıymdastyrǵan bilim báıgesi 31 qazan men 5 qarasha aralyǵynda qashyqtan ótti.
Balqan matematıka olımpıadasy – Eýropa elderiniń oqýshylaryna arnalǵan halyqaralyq matematıkalyq jarys. Bul jarysqa álemniń 18 elinen 154 oqýshy qatysyp, baq synasty.
Olımpıadada Qazaqstan qurama komandasy 6 oqýshydan quraldy. Olar – 2019 jylǵy respýblıkalyq olımpıadanyń jeńimpazdary men júldegerleri, sonymen qatar olımpıadalyq rezerv músheleri. Bıyl qurama komandanyń kórsetken nátıjesi óte joǵary boldy.
37-shi Balqan matematıka olımpıadasynyń qorytyndysy boıynsha Ulttyq qurama komanda eki kúmis jáne tórt qola medaldy jeńip aldy. Kúmis medal ıegerleri – Almaty qalasy fızıka-matematıka baǵytyndaǵy Nazarbaev zııatkerlik mektebiniń 12 jáne 11-synyp oqýshylary Asylbek Oljabaev jáne Taır Satýbaldın. Al qola medal ıegerleri – Almaty qalasy fızıka-matematıka baǵytyndaǵy Nazarbaev zııatkerlik mektebiniń 11-synyp oqýshysy Tamırlan Bektemisov, Almaty qalasy respýblıkalyq fızıka-matematıka mektebiniń 10-synyp oqýshysy Batyrhan Sákenov, Almaty qalasy Haileybury mektebiniń 11-synyp oqýshysy Iýrıı Ten, Nur-Sultan qalasy daryndy balalarǵa arnalǵan «Bilim-Innovasııa» lıseı-ınternatynyń 11-synyp oqýshysy Sam Fetýllah.