Mustafa О́ztúrikke arnalǵan kúı

Elge belgili sport qaıratkeri, dańqty sportshy, halyqaralyq deńgeıdegi jattyqtyrýshy, aty ańyzǵa aınalǵan tulǵa Mustafa О́ztúrik Qazaqstanda taekvondo mektebiniń negizin qalaýshy ǵana emes, atalǵan sport sala­synda adal izbasarlaryn tár­bıelegen Alashtyń aımańdaı aza­mat­tarynyń biri. Rýhy myqty, óz ıdeıalaryna shyn berilgen Mus­tafa О́ztúriktiń beınesi kom­po­zıtor Sholpan Qorǵanbekti «Tar­­lan» aspaptyq týyndysyn shyǵarýǵa shabyttandyrdy. Aıtýly shyǵarmada Mustafa О́z­­túriktiń beınesi keń aýqymda ári ásem kórkemdelgen. Dombyra únindegi lırıkalyq bastama ke­ıip­kerdiń týǵan jeri týraly, óziniń barlyq bilimi men daǵ­dylaryn týǵan halqyna qalaı jetkizýge bolatyndyǵy jó­nin­degi oılaryn jetkizedi. Búkil an­samblmen oryndalatyn shyǵar­manyń tasqyndy bóligi Musta­fa О́ztúriktiń erik-jiger, rýh kúshi, ba­tyldyq, adaldyq sııaqty qasıet­­terin asha otyryp, jigerli, ek­pindi shyrqalady.

– Qazaqstannyń aty ańyzǵa aınalǵan erekshe tulǵalary me­ni árdaıym jigerlendiredi, sha­byt­tandyrady. Olar bizdiń qýatty jáne baı shejiremizdi qu­raıtyn tulǵalar dep aıtýǵa bolady. Son­dyqtan bolsa kerek, me­niń shyǵarmashylyǵymnyń ne­gizgi bóligin tulǵalarǵa arnaǵan port­rettik týyndylar quraıdy. Atap aıtsam, Ál-Farabı, Abaı, Sultan Beıbarys, Shyńǵyshan, Keıki ba­tyr, Baýyrjan Momyshuly, Bek­zat Sattarhanov sııaqty bir­týarlar beınesin mýzyka tilinde sóıletý maǵan qaı kezde de qy­zyq. Mustafa О́ztúriktiń tul­ǵasy da meni mýzykalyq arnaý ja­zýǵa shabyttandyrdy. Myqty adam­nyń ómirlik beınesi men qyz­metine degen qyzyǵýshylyqty, jalpy tulǵanyń qaıratkerik hám ultjandylyq qyryn mýzy­ka tilinde dúıim jurtqa jet­kiz­gim, dáriptegim keldi. Bul maq­ta­nysh pen tańdaný sezimi! Tyń­daý­shy avtorlyq týyndymdy rı­za­shy­lyqpen qabyldaıdy degen se­nim­demin», – deıdi shyǵarma avtory, kompozıtor Sholpan Qorǵanbek.

Aıtýly kúı Qazaqstannyń Gın­ness rekordtar kitabyna engen «Qorqyt» etno-ansambliniń oryndaýynda tyńdarmanymen qaýyshty.