Búgin praımerızdiń kelesi deńgeıi bastalady. Bul týraly "Nur Otan" partııasynyń hatshysy Álibek Áldeneı Facebook paraqshasynda jazdy, dep habarlaıdy Egemen.kz.
"10-12 qarasha aralyǵynda barlyq oblystardaǵy qalalar men aýdandarda, Shymkent, Almaty jáne Nur-Sultan qalalarynda 202 partııalyq konferensııa ótkiziledi.
Basty oqıǵa – oblys máslıhattary men Májilis úshin "Nur Otan"-nyń partııalyq tizimine qosylýǵa úmitker bolyp otyrǵan 1412 praımerız kandıdaty qatysatyn pikirsaıys bolmaq.
Aýdandyq (qalalyq) konferensııalardaǵy pikirsaıystarǵa qatysatyn kandıdattar tizimi Primaries.kz portalynda jarııalandy.
7-8 qarasha aralyǵynda barlyq 4,5 myń bastaýysh partııa uıymynda jınalystar ótkizildi, nátıjesinde aýdandyq jáne qalalyq partııa konferensııalaryna 10 myńnan astam delegat saılandy. Olar pikirsaıys qorytyndysy boıynsha praımerız úmitkerlerine daýys bermek. Tańdalǵan saılaýshy delegattar – praımerızge kandıdat retinde qatyspaǵan tulǵalar.
13 qarasha kúni oblystyq konferensııalarǵa qatysýǵa joldama alatyn aýdandyq (qalalyq) pikirsaıys jeńimpazdarynyń tizimi bekitiletin oblystyq fılıaldardyń bıýrolary ótkiziledi.
16-17 qarashada 14 oblystyq partııa konferensııasy ótedi. Onda oblystardan Májilis saılaýyna qatysý úshin "Nur Otan"-nyń partııalyq tizimine kiretin praımerız kandıdattary anyqtalady.
Konferensııalardyń barlyǵy áleýmettik jelilerde «Nur Otan» partııasynyń aımaqtyq fılıaldarynyń akkaýnttarynda tikeleı efırde kórsetiletinin esterińizge salamyn.
Barlyq qatysýshylarǵa pikirsaıystardyń mazmundy jáne nátıjeli bolýyn tileımin!", dedi Álibek Áldeneı.