Kitap tartý etti

– Elbasy kitaphanasy bilim be­rý men mádenı baǵyttaǵy mindetterdi júzege asyrýdyń jańa múmkindikterine qol jetkizip otyr. Mekemeniń mýzeı, arhıv, kitaphana qoryn ushtastyrǵan jańa ǵımarat qazirgi jastarǵa rýhanı, patrıottyq tárbıe berýde, qundylyqtar júıesin qalyptastyrýda mańyzdy ról atqarýda. Elbasynyń «Elińdi súıe bilseń, jan aıamaı qyz­met ete bilseń, eliń de seni alaqan­ǵa salyp aıalaı biledi» degenindeı,  urpaqty elin súıýge tárbıeleý jolynda barsha múmkindikterimizdi paı­dalanyp kelemiz, – dedi  mekeme bas­shysy Á.Rahymjanov. Sonymen qatar kitaphana pandemııa kezeńinde on­laın formatta belsendi jumys istep jatqanyn da atap ótti.

Erkin formatta ótken bas­qosýǵa qatysýshylar zamanaýı bilim berý máselelerin, qazirgi jaǵ­daıdaǵy qo­symsha bilim berý­diń mańyzyn jáne yn­tymaqtastyq múmkindikterin tal­qylady.

Is-shara barysynda bilim berý mekemeleriniń  basshylaryna mektep kitaphanalarynyń qoryn to­lyq­­tyrý úshin kitaptar tabys etil­­di. Olardyń ishinde: «Bizdiń Pre­­zıdent», «Tuńǵysh», «Astana – tá­ýel­siz Qazaqstannyń sım­voly», «Ta­rıhı tańdaý» t.b. basy­lym­dar bar. Týyndylardyń denin El­basy Keńsesiniń basshysy, saıası ǵy­lymdar doktory, professor M.B.Qa­symbekov jetekshiligimen Elbasy kitaphanasynyń avtorlyq ujymy ja­ryq­qa shyǵarǵan.

«Elordalyq mektepter bizdiń bas­ty seriktesterimiz boldy jáne so­laı bolyp qala beredi. Osy múmkindikti paıdalana otyryp, sizderge kópjyl­dyq jemisti yntymaqtastyq úshin al­ǵy­symdy bildiremin jáne jańa shyǵar­mashylyq tabystar tileımin» degen tilek bildirdi uıymdastyrýshy tarap ókilderi.

Jıyn barysynda qonaqtar atynan sóz alǵan №17 mektep-gımnazııasynyń dırektory, qalalyq máslıhattyń depýtaty Rámzııa О́mirbaeva:  «Elbasy kitaphanasynyń mýzeıi – tarıhqa tereń boılaıtyn oryn. Meniń oıymsha, árbir azamat óz eliniń tarı­hyn bilýge mindetti. Kóptegen adam­dar jastardy tárbıeleý jolyn qarastyrýda. Jastarǵa moral oqýdyń qajeti joq, olarǵa qa­laı durys ómir súrý kerektigin kór­setý qajet. Osyndaı uly jolmen júrý: qarapaıym jumysshydan Pre­zı­denttikke deıin kóterilip, El­basy bolý – osyndaı ómirdiń, kúres­tiń, jasampazdyqtyń jarqyn dá­leli. Mundaǵy árbir fotosýret pen já­diger – Elbasynyń ómiri men kóp­qyr­ly qyzmetiniń tarıh arqyly kór­setilgen, jańa táýelsiz memleketti qu­ryp qana qoımaı, ony búkil álem­ge tanymal elge aınaldyrǵan Qazaq­stan tarıhy. Maǵan bul jer óte unady, oqýshylarymyzdy min­detti túrde osynda ákelemin. Elbasy kitaphanasyna mektep kitapha­nala­rynyń kitap qoryn tolyqtyrý maq­satynda osyndaı mańyzdy ári qajetti bas­tamasy úshin zor alǵysymdy bildirgim keledi. Biz barlyq oqýshy­lardy jańa basylymdarmen tanys­tyrýǵa kúsh salamyz. Tek oqýshylardy ǵana emes, olardyń ata-analaryn da qundy qazynalarmen tanystyratyn bolamyz»,  dep oı bólisti.