«Qazaqtelekom» aksıonerlik qoǵamy Shyǵys Qazaqstan oblysynda talshyqty-optıkalyq baılanys jelileriniń qurylysyn aıaqtady. «Sıfrly Qazaqstan» memlekettik baǵdarlamasy sheńberinde iske asyrylatyn AEM TOBJ (Talshyqty optıkalyq baılanys jelileri) jobasy qurylysynyń arqasynda oblystyń 94 shalǵaı aýylynda 308 memlekettik mekeme men bıýdjettik uıym keńjolaqty ınternetke qosyldy. Jobany iske asyrý barysynda jyl basynan bastap Shyǵys Qazaqstan oblysy boıynsha jalpy uzyndyǵy 1795 kılometr qubyr jáne 1913 kılometr talshyqty-optıkalyq kábil tartyldy.
Bul týraly «Shyǵys – adaldyq alańy» jobalyq keńsesiniń uıymdastyrýymen ótken ANTIKOR LIVE jobasy aıasynda «Qazaqtelekom» AQ fılıaly-Shyǵys óńirlik telekommýnıkasııa dıreksııasynyń Bas dırektory Ermek Qýanyshbekov málimdedi.
Búgingi kúni joba boıynsha Ulan aýdanyndaǵy Asýbulaq, Tarǵyn aýyldarynda jáne Katonqaraǵaı aýdanyndaǵy Solonovka, Novopolıakovka aýyldarynda memlekettik mekemelerdi qosý júrgizildi. Endi 10 myńnan astam aýdan turǵyny joǵary jyldamdyqty ınternetke qol jetkizip, zamanaýı telekommýnıkasııa qyzmetterin erkin paıdalana alady. Bul aýdandardyń halqyn joǵary jyldamdyqty ınternetke qosý úshin mamandar kúrdeli geografııalyq ortaǵa baılanysty tehnıkalyq sheshimdi birneshe ret ózgertýge májbúr boldy. О́ıtkeni eki aýdan da taýly relefke baı jáne Shveısarııa tabıǵatymen salystyrylatyn tabıǵatpen keńinen tanymal. Bul aýdandarda talshyqty optıkalyq jelini tartý jobasy jergilikti sharýa qojalyqtaryna tıesili bıdaı daqyldary men qymbat tuqym sorttaryn egetin alqaptarmen arqyly ótetini jáne jerdiń tasty topyraq bolǵanymen qıyndady. Shyǵys О́TD qyzmetkerleri sharýalardyń qyzmetine zııan tıgizbes úshin jeliler trassasynyń baǵytyn ózgertip, qojalyq alqaptaryn aınalyp ótetindeı etip jasady.
«Qazaqtelekom» AQ fılıaly-Shyǵys óńirlik telekommýnıkasııa dıreksııasynyń Bas dırektory Ermek Qýanyshbekovtiń aıtýynsha, buryndary Tarǵyn, Solonovka jáne Novopolıakovka sııaqty ınterneti joq aýyldarda TOBJ qurylysy turǵyndarǵa kompanııa qyzmetterine qosylýǵa múmkindik beredi. Mysaly, joǵary jyldamdyqty ınternet, telefon jáne iD TV sandyq teledıdar qyzmetteri.
«Baǵdarlama aıasynda salynǵan TOBJ ınfraqurylymynyń arqasynda AEM-de uıaly baılanys operatorlary turǵyndarǵa telekommýnıkasııalyq qyzmetterdiń barlyq spektrin usynýǵa múmkindik alady. Sondaı-aq bul qurylys taǵy bir joba – «250+» úshin negiz boldy. Osy joba sheńberinde utqyr baılanys operatorlary memlekettik mekemelerdi «optıkaǵa» qosý núkteleriniń bazasynda ózderiniń bazalyq stansalaryn óristetýde. Osylaısha, halqy 250 adamnan asatyn aýyldyq eldi mekenderdiń aýmaǵyn 3G/4G LTE radıosıgnaldyq jelimen qamtyp otyr. Jelini birlesip salý jáne jıilikterdi paıdalaný operatorlardyń shyǵyndaryn azaıtyp qana qoımaı, aýyldardy sıfrlandyrý prosesin jedeldetedi. Buryn jerústi arnalary arqyly ótetin turaqty sıgnal kózi bolmasa, uıaly baılanys operatorlary óz qyzmetterin jáne sapaly baılanysty tehnıkalyq túrde usyna almady. «Optıkanyń» bolýy olarǵa TOBJ jobasyna qatysýshy aýyldardyń turǵyndaryn ǵana emes, olarǵa jaqyn ornalasqan eldi mekenderdi de joǵary jyldamdyqty ınternetpen qamtamasyz etýge múmkindik beredi», dedi fılıal basshysy.
TOBJ jáne «250+» qurylys baǵdarlamalaryn iske asyrý aýyldaǵy baılanysty tolyq jańǵyrtýdy qamtamasyz etý úshin jańa múmkindikter men jaǵdaılar týǵyzady. Bul óz kezeginde shalǵaıdaǵy eldi mekenderdiń turǵyndaryna keńjolaqty mobıldi ınternetke qol jetkizýge, al onymen birge qala men aýyl arasyndaǵy «sıfrlyq teńsizdik» shekarasyn buza otyryp, telemedısına, onlaın-bilim berý jáne t.b. sııaqty kórsetiletin sıfrly memlekettik qyzmetterdi paıdalanýǵa múmkindik beredi.
Shyǵys Qazaqstan oblysy