"Abaı", "ál-Farabı" serıaldary Táýelsizdik kúninde ulttyq arna efırine shyǵady. Bul týraly "Astana Media Week 2020" barysynda "QAZAQSTAN" RTRK" AQ Basqarma tóraıymy Lázzat Tanysbaı aıtty, dep habarlaıdy Egemen.kz
"Pandemııa otandyq teleserıaldar óndirisine kedergi bolǵanymen, óndiris tolyqtaı toqtap qalǵan joq. Bıyl biz 13 serıal túsirip jatyrmyz. Uly Abaıdyń 175 jyldyǵyna arnalǵan "Abaı" serıalynyń, Ál-Farabıdiń mereıtoıyna arnalǵan "Ál-Farabı" serıaldarynyń túsirilim jumystary sál kesheýildedi. Dese de aıaqtap úlgerdik. Osy tusta habarlap ótkim keledi, eki tarıhı týyndy da efırge jeltoqsanda, Táýelsizdik merekesinde shyǵady", - dedi Lázzat Tanysbaı.
Sondaı-aq, ol osy maýsymda roman jelisi boıynsha túsirilgen "Mahabbat, qyzyq mol jyldar", Táýelsizdikke arnalǵan 100 bólimdi "Zamandastar" telehıkaıasy efırge shyǵatynyn aıtty.