Adam ómiriniń 10 paıyzy tús kórýmen ótedi. Biraq onyń basym bóligi este qalmaıdy, dep habarlaıdy Egemen.kz Massaget.kz portalyna silteme jasap.
Ár adam uıqynyń úshten bir bóliginde tús kóredi eken. Ǵalymdar tús adamnyń óńinde kórgenin qaıtalaý jumysyn ǵana atqarmaıtynyn aıtady. Zertteýge sensek, tús adam aǵzasy úshin óte mańyzdy. О́ıtkeni adam uıqyǵa ketkende mı kórý qyrtysynyń jumysyn toqtatpaı, tús kórý arqyly belsendi formada ustaıdy.
Kórý qyrtysynyń belsendiligi tómendegende mıdyń bul bóligi taktıldi jáne dybystyq aqparatty óńdeýge kóshedi. Birneshe saǵatta kórý qyrtysy jumysyn tolyqtaı ózgertýge qaýqarly. Sol úshin mı tús kórý arqyly kórý qyrtysyn jumys isteýge ıtermeleıdi. Nátıjesinde uıqydan turǵanda kórgen túsimizdiń basym bóligin umytyp qalamyz.
Ádette adam jyldam uıqy fazasyna ótkende jıi tús kóredi. Bul ýaqytta adam aǵzasy belsendi bolyp, mı oıanýǵa daıyndalady. Buǵan qaramastan jyldam uıqy fazasynda oıaný qıynǵa soǵady. Adam jasy ulǵaıǵan saıyn jyldam uıqy fazasynyń ýaqyty azaıa beredi. Osynyń sebebinen qart kisiler tústi sırek kórip, uzaq uıyqtaı almaıdy.
Jyldam uıqy fazasy ár 100 mınýt saıyn qaıtalanady. Dál osy ýaqytta tústiń aıryqsha sátteri bolady eken. Al baıaý uıqy fazasynda tús bolǵanymen adam ony esinde saqtaı bermeıdi. Al tústiń este qalý-qalmaýy uıqynyń sapasyna baılanysty eken.