«Qazposhta» aksıonerlik qoǵamynyń Jambyl oblystyq fılıaly «Egemen Qazaqstan» gazetiniń aǵymdaǵy jyldyń 4 qarashasynda (№211) jaryq kórgen gazettiń Jambyl oblysyndaǵy menshikti tilshisi Hamıt Esamanovtyń «Poshta qyzmetine kópshiliktiń kóńili nege tolmaıdy?» degen maqalasy boıynsha tómendegishe jaýap beredi:
«Dýman Qııashuly Parmenqulovtyń gazet redaksııasyna jasaǵan shaǵymyn tekserý barysynda tómendegi jaıttar anyqtaldy:
«Egemen Qazaqstan» gazetine shaǵymdanýshynyń jubaıy B.Kópbaevanyń jazylǵandyǵy jáne abonomentine B.Kópbaevanyń ózi basqa mekenjaı (Shý qalasy, Jumabekuly kóshesi 2A úı) kórsetkendigi anyqtaldy.
Sonymen birge D.Parmenqulov B.Kópbaevanyń jazylǵan «Egemen Qazaqstan», «Araı» gazetteri Shý qalasy, Jumabekuly kóshesi 2/1 mekenjaıynyń ornyna, Shý qalasyndaǵy Jumabekuly kóshesi «2A» úıine jetkizilip otyrǵan.
Mán-jaılardy anyqtaǵannan keıin, Jumabekuly kóshesi «2A» úıine jetkizilgen «Egemen Qazaqstan», «Araı» gazetteriniń barlyǵy qaıtarylyp, B.Kópbaevanyń naqty mekenjaıy Jumabekuly kóshesi, 2/1 úıine jetkizildi. Sonymen qatar D.Parmenqulovtyń 30.10.20 jyly óz qolymen bergen jazba pikirinde, «Qazposhta» qyzmetkerlerine qoıatyn eshqandaı talaby joq ekenin jáne durys mekenjaı kórsetpegeni – óz tarapynyń kemshiligi ekenin atap kórsetken.
Shý aýdandyq baılanys torabynyń bastyǵy A.Sraılovanyń túsinigine súıenetin bolsaq, Taraz qalasy men Shý qalasy aralyǵyndaǵy poshta almasý baǵytynyń jıiligi týraly «Egemen Qazaqstan» gazetiniń menshikti tilshisine eshqandaı málimet bermegenin rastaıdy, oǵan qosa «beısenbi kúni shyqqan kez kelgen gazet Taraz qalasynan Shý qalasyna eki kúnnen keıin ǵana jetedi» degen aqparattyń jalǵandyǵy týraly habarlaımyz.
Oblysaralyq poshta almasý baǵyty Taraz qalalyq poshtany suryptaý jáne tasymaldaý telimi men Shý qalasy arasynda aptasyna 6 (alty) ret (dúısenbi-senbi) jıilikte qatynaıdy.
О́z tarapynan «Qazposhta» AQ Jambyl oblystyq fılıaly Qoǵamnyń áleýmettik mańyzdylyq rólin eskere otyryp, gazet jáne merzimdi basylymdardyń ýaqytyly jetkizilýin erekshe qadaǵalaıdy. Poshtalyq qyzmettiń damýyna nazar aýdaryp, úles qosyp jatqandaryńyzǵa alǵys bildiremiz!
D.Abdýhalıuly,
«Qazposhta» AQ Jambyl oblystyq fılıalynyń dırektory