Týǵan jer – asyl uǵym

Qaıda júrsek te, atameken, kókeıimizde turasyń!

Týǵan jer – ár qazaqtyń júre­gin erekshe soqtyratyn asyl uǵym. Otanymyz Elbasy Nursultan Ábish­uly Nazarbaevtyń kóregen saıasa­tynyń arqasynda eleýli jetis­tikterge, bıik asý belesterge jetip otyr. Ultymyz óziniń qarǵa tamyrly tarıhynda túrli aýyrt­pashylyqtardy basynan ótkerip, búginde rýhy ór halqymyz babalary ańsaǵan kemel jarqyn bola­shaqqa, altyn ǵasyrǵa aıaq basýda.

Qaıda júrsek te, atameken, kókeıimizde turasyń!

Týǵan jer – ár qazaqtyń júre­gin erekshe soqtyratyn asyl uǵym. Otanymyz Elbasy Nursultan Ábish­uly Nazarbaevtyń kóregen saıasa­tynyń arqasynda eleýli jetis­tikterge, bıik asý belesterge jetip otyr. Ultymyz óziniń qarǵa tamyrly tarıhynda túrli aýyrt­pashylyqtardy basynan ótkerip, búginde rýhy ór halqymyz babalary ańsaǵan kemel jarqyn bola­shaqqa, altyn ǵasyrǵa aıaq basýda.

Osydan týra 20 jyl buryn elimizdiń Tuńǵysh Prezıdentiniń tikeleı tapsyrmasymen «Bolashaq» halyqaralyq stıpendııasy ómirge kelgen bolatyn. Búginde 10 myńnan astam jas otandastarymyz shetelderdiń eń ozyq oqý oryndarynda bilim alyp, el úshin qyzmet etýde.

Ulybrıtanııanyń Saýtgempton qalasynda ornalasqan shahar atymen úndes ýnıversıtet qabyrǵa­synda búginde shamamen 30-ǵa jýyq qazaq jas­tary bilim alýda. Barshasy bir-birin súıemeldep júredi. Bir atanyń balasyndaımyz. Baba topyraǵynan qansha alysta júrgenmen, bir-birimizge degen kómegimiz de, elge degen ystyq mahabbatymyz da sonshalyqty berik. Hakim Abaıdyń: "Birińdi, qazaq, birińdi dos, kórmeseń, istiń bári bos", degen sózin esh esten shyǵarmaýdamyz.

Saýtgemptonda oqyp jatqan qazaq jastary elimizdiń barlyq óńirlerin qamtıdy desek te bolady. Ýnıversıtettiń sapa deńgeıiniń joǵarylyǵy stýdentter aldyna úlken bilim talaptaryn qoıady. Saýtgempton ýnıversıtetin ataqty zańgerler, basqarýshylar, ınjenerler bitirgen. Ǵalamdyq tordy oılap tapqan (Worldwide web) ǵalym Ser Tım Berners Lı (Sir Tim Berners-Lee) osy ýnıversıtet túlegi.

Sabaqtyń qıyndyǵy bul túsi­nikti, degenmen, aldyńǵy býyn aǵa­lardyń tabysty úlgisin jal­ǵas­tyrý, Elbasynyń artqan úlken úmi­tin aqtaý jaýapkershiligi árdaıym bizderge shabyt berýshi kúsh bolyp turady.

Shetelde barshamyz tól máde­nıetimizdiń, tilimizdiń, qazaqtyń qońyr daýysty ánderiniń qan­shalyqty sulý ekendigin jańa qyrynan ashyp jatyrmyz. Bir aıta ketetin jaıt, Qazaq eli jastarynyń boıynda ózgelerge bergisiz bir qurmet pen izettilik bar. Biz arabty, aǵylshyndy, orys pen qytaıdy esh alalamaı tabyssaq, olar da bizdi iltıpatpen, ıgi kózqaraspen qarsy alady. Mundaı syılastyq barlyǵyna birdeı berilgen qurmet dep aıtý qıyn. Muny uly elimizdiń uly jetistigi dep ashyq aıta alamyz. Ári aldyńǵy býyn «Bolashaq» baǵdarlamasymen oqyǵan jastardyń adamı jáne bilim sapasynyń bıiktiginiń arqa­sy. Muny biz kúndelikti tájirı­bemizden kórýdemiz. Saýtgempton ýnıversıtetinde oqyǵan barlyq qazaq jastary úzdik baǵamen támamdap, jergilikti ustazdar qaýymynyń rızashylyǵyna bólenip keledi. Árıne, ońaılyqpen keletin eshteńe joq. Degenmen, namys pen abyroı qazaqty ár ýaqytta alǵa jetelegen asyl qasıetter. Ol barshamyzdyń boıymyzda jeterlik. Tek sony baǵalaı alsaq muratymyzǵa jetemiz. Qazir qata­ry­myzda júrgender magıstratýra, telekommýnıkasııa, halyqaralyq qarjy, qoǵamdyq saıasat, bilim berý jáne ınjenerııa salasynan bilim jetildirýde.

20 jyldyq mereıtoıy qar­sańynda «Bolashaq» baǵdar­lamasy stıpendıanttarynyń biri retinde biz de qatardan qalmaı, lebizimizdi bildirýdi jón kórdik. Ásirese, alys­ta júrgende elge, jerge degen sa­ǵynysh, ańsaý erekshe bolady eken.

«Bolashaq» baǵdarlamasy – bul aty men zatyna saı tereń oılas­tyrylǵan, júıeli jumys jasaı ala­tyn, tabys­ty jetistikterge jet­ki­­zetin, jańa belesterdi baǵyn­dy­rýǵa múmkindik beretin uıym dep bilemiz.

Nurlan QULMANOV,

Merýert JETIBAEVA.