Qazaqstan Respýblıkasynyń Tuńǵysh Prezıdenti – Elbasy kitaphanasynda, Rım Papasy Ioann Pavel II-niń 100 jyldyǵyna oraı jáne de Papanyń 2001 jyly Qazaqstanǵa resmı saparmen kelgen tarıhı sátine baılanysty, seısenbi kúni «Mádenıet arqyly únqatysý» halyqaralyq kórme jobasy aıasynda, Qazaqstandaǵy Polsha Respýblıkasynyń Elshiligi men elimizdegi Apostoldyq nýnsıatýrasy birlesip «Ioann Pavel II – únqatysý Papasy» atty kórme uıymdastyryldy.
Kórmege negiz bolyp otyrǵan dúnıe – II Ioann Paveldiń osydan 19 jyl buryn 2001 jyly 22 qyrkúıekte Qazaqstanǵa resmı sapary. Bul oqıǵa Qazaqstan men Vatıkan arasynda únqatysý men áriptestikti nyǵaıtýda baǵa jetpes ról atqarǵany anyq. Kópshilik kózaıymyna usynylǵan kórmeniń birinshi bólimi – «Ioann Pavel II-dıalog Papasy» dep atalyp, kelýshilerdi Pontıfıktiń ómirbaıany jáne qyzmetimen tanystyrýǵa baǵyttalsa, ekinshi bólimi – «Elbasynyń Pontıfıkpen kezdesýleri» degen atqa ıe. Munda Elbasynyń jeke arhıvinen alynǵan Papanyń Qazaqstanǵa resmı saparyn, sondaı-aq Elbasynyń Vatıkan ókilderimen kezdesýlerin kýálandyratyn arhıvtik materıaldar qoıylypty. Kórme ekspozısııasynda Elbasynyń kitaphanasy jınaǵynyń eksponattary, Vatıkannyń joǵary memlekettik nagradasy Pıı ordeni jáne Rım Papasynyń dıplomatııalyq syılyqtary ornalasan eken.
Úshinshi bólim – «Qazaqstan – Polsha: dostyqtyń baǵa jetpes qundylyǵy» delinip, oǵan Elbasynyń kitaphanasy qorynan alynǵan Qazaqstan men Polshanyń dıplomatııalyq qarym-qatynastar tarıhyn baıandaıtyn ekspozısııa usynylypty.
Igi sharany ashyp, sóz sóılegen jáne atalmysh kórmeniń mańyzy jaıly kópshilikti habardar etken Elbasy kitaphanasynyń basshysy Ámirhan Rahymjanov: «Ioann Pavel II-niń elimizge resmı saparynda ony Qazaqstan Respýblıkasynyń Tuńǵysh Prezıdenti – Elbasy Nursultan Nazarbaev «izgi, fılosof jáne oıshyl jan» dep baǵalaýy; aıtýly sapar Qazaqstan táýelsizdiginiń 10 jyldyq mereıtoıyna tuspa-tus kelýi; el tarıhynda erekshe oqıǵa boldy. Sondaı-aq bul sapar álemdik saıası arenada órkenıetaralyq, dinaralyq jáne konfessııaaralyq dıalogtyń ornaýyna, sonymen qatar Qazaqstan men Vatıkan arasyndaǵy áriptestik pen dıalogtyń nyǵaıýynda baǵa jetpes ról oınady» dedi.
Sondaı-aq óz kezeginde pikir bildirgen izgi sharany uıymdastyrýshylar tarapynyń ókili Polsha Respýblıkasynyń Qazastandaǵy Tótenshe jáne О́kiletti elshisi Selım Hazbıevıch myrza, polıak halqynyń perzenti Ioann Pavel II-ge arnalǵan kórmeniń ashylýynan toǵyz jyl burynǵy tarıhı kezdesýdiń atmosferasyn sezýge de bolady. Qazaqstan – ıslam, katolık kosteli jáne pravoslav shirkeýi bereke-birlikte ómir súretin tańǵajaıyp el. Munda dinder arasynda shynaıy dıalog qalyptasqan. Bul biz úshin óte mańyzdy. Qazaqstannyń qazirgi bıligi konfessııaaralyq jáne etnosaralyq dıalogqa qatysty Azııa men Eýropa elderinde de óte qyzyqty syrtqy jáne ishki saıasat júrgizýde, degen paıymyn jetkizdi.
Odan keıin jınalǵandarǵa Qazaqstandaǵy Apostol Nýnsııi Arhıepsıkop Frensıs Assızı Chýllıkat úndeý-sózin joldap: «Ioann Pavel II-iń 2011 jyly qyrkúıek aıynda Qazaqstan jasaǵan tarıhı sapary ózara túsinistik pen dıalog qurýdyń úlgisi boldy» dese, elimizdegi Katolık shirkeýiniń basshysy Tomash Peta, tarıhı sapar Qazaqstan úshin umytylmas oqıǵa boldy dep atap ótti.
Polshada 2020 jyl Ioann Pavel II jyly dep jarııalandy. О́ıtkeni ol 1920 jyly18 mamyrda Polshanyń Vadovıse qalasynda Karol Iýzef Voıtyla dúnıege kelgen eken. 1978 jyly 16 qazanda Karol Voıtyla kardınaldardyń keńesinde Rım-Katolık shirkeýiniń basshysy bolyp saılandy Katolık shirkeýin basqarǵan Ioann Pavel II adamzat tarıhynda jáne mıllıondaǵan adamdardyń júreginde jyly esteliktermen jarqyn jáne óshpes iz qaldyrdy. Pontıfık Italııadan tys jerde 104 ret pastorlyq saparmen bolyp, dúnıe júzindegi memleket basshylarymen 738 kezdesý ótkizipti.