Jambyl oblystyq din isteri basqarmasynyń basshysy Jangeldi Omarov óńirlik kommýnıkasııalar qyzmetiniń alańynda brıfıng ótkizip, túrli máseleler tóńireginde aqparat berdi, - dep jazady Egemen.kz
О́ńirdegi atqarylyp jatqan jumystarmen qatar, dinı ahýal týraly baıandady. Jambyl oblysynda jalǵan dinniń jeteginde ketken 135 azamat qoǵamǵa qaıta beıimdelgen. Sonymen qatar, ol oblys boıynsha din salasynyń 10 aıdaǵy negizgi kórsetkishterine toqtaldy.
Basqarma basshysy aǵymdaǵy jyly jańa salynǵan 4 meshittiń tirkeýden ótkenin, sonymen qatar, oblys aýmaǵynda taǵy 13 meshittiń qurylysynyń júrgizilip jatqanyn jetkizdi. Alaıda, óńirdegi jalpy 312 meshittiń ishindegi 22 meshitte resmı bekitilgen ımamdar joq eken. Negizinen óńirde arnaıy buıryqpen 400 dinı qyzmetker eńbek etedi. Onyń 304-i ımam-molda bolsa, 37-si naıb-ımam, 31-i azanshy jáne 28-i ustazdar. Meshitterde 98 joǵary bilimdi ımam, orta bilimdi 59 jáne saýat ashý kýrstaryn bitirgen 243 dinı qyzmetker bar. «Oblystaǵy meshitterdiń jalpy syıymdylyǵy 54090 adamǵa shaqtalǵan. Hrıstıan baǵytyndaǵy shirkeýlerge kelýshiler sany 3800 adam shamasynda. Meshitterge kúndelikti kelýshiler sany 6 myń adam bolsa, shirkeýlerge kelýshiler 800-di qurady», deıdi Jangeldi Omarov.
Jalpy, Jambyl oblysynda memlekettik tirkeýden ótken 358 dinı birlestik bar eken. Onyń 312-si meshit bolsa, 46 nysan hrıstıandyq baǵyttaǵy shirkeý dep tanylǵan.
Jambyl oblysy