Ishki ister mınıstrliginiń tapsyrmasyna sáıkes Túrkistan oblysy Polısııa departamentinde qujattanbaǵan nemese KSRO qujatymen qalyp qoıǵandarǵa qujat resimdeý maqsatynda kóshi-qon qyzmetkerlerinen arnaıy mobıldik toptar qurylǵan. Osyǵan baılanysty Maqtaaral APB-niń qyzmetkerlerinen qurylǵan mobıldik top halyq arasynda surastyrý jumystaryn júrgizip, qujattanbaǵan turǵynnyń baryn anyqtaǵan. Sodan keıin Maqtaaral aýdanynyń turǵyny Kýldastar Mırzaevaǵa qujatyn jasap berýge kómek berildi.
Kýldastar Mırzaeva О́zbekstannan atajurtyna qonys aýdaryp, sodan beri densaýlyǵyna baılanysty Qazaqstan Respýblıkasynyń tólqujatyn ala almaǵan. Polıseıler múmkindigi shekteýli turǵynǵa kómektesý maqsatynda elshiliktermen hat-habar almasyp, tyńǵylyqty jumystar atqaryp, egde jastaǵy anaǵa tólqujat resimdep berdi.
О́z kezeginde 70 jasqa kelgen keıýananyń kýanyshynda shek bolmady. Ol polısııa qyzmetkerlerine jáne olardy basqaryp otyrǵan basshylaryna analyq alǵysyn jaýdyrdy.
Atap ótetin jaıt, Maqtaaral APB-niń polısııa qyzmetkerleri jergilikti turǵyndarǵa, sonyń ishinde UOS ardagerleri men múmkindigi shekteýli jandarǵa qujatyn jasap berýge, ary-beri sandaltpaýǵa únemi kómek kórsetip otyrady. Bul baǵyttaǵy jumystar polıseıler tarapynan aldaǵy ýaqytta da jalǵasa bermek.