Nur-Sultanda Aqparat jáne qoǵamdyq damý mınıstrliginiń qoldaýymen "Policy Camp" respýblıkalyq jas saıasattanýshylardyń onlaın-mektebi bastaldy, dep habarlaıdy Egemen.kz.
Keshe joba aıasynda saıasattanýshylar men sarapshylardyń qatysýymen dıalog alańy uıymdastyryldy. "Jastardyń elektoraldy minez-qulqyn qalyptastyrýdaǵy sarapshylar qaýymdastyǵynyń róli" taqyrybynda ótken suhbat alańyna "Qazaqstannyń Azamattyq Alıansy" ZTB prezıdenti Baný Nurǵazıeva, QR Prezıdenti janyndaǵy Ulttyq qoǵamdyq keńestiń músheleri Aıdos Sarym men Andreı Chebotarev, QR qoǵam qaıratkeri, akademık Natalıa Kalashnıkova, "Saıasattaný" mamandyǵy boıynsha PhD doktory Indıra Rystına jáne QR Aqparat jáne qoǵamdyq damý mınıstrligi Azamattyq qoǵam isteri komıteti tóraǵasynyń orynbasary Nurbol Serikbekov qatysty.
"Qazaqstannyń Azamattyq Alıansy" ZTB Prezıdenti Baný Nurǵazıevanyń aıtýynsha, qazirgi qoǵamda jas saıasattanýshylardyń róli óte joǵary. Olar belsendi bolǵan saıyn qoǵam da damı túspek.
"Azamattyq qoǵamy neǵurlym kúshti elder soǵurlym jyldam damıdy. Bul – aksıoma. Sondyqtan, jas saıasattanýshylar belsendi jumys júrgizip qana qoımaı, jan-jaqty saýatty bolýy qajet", - dedi Baný Nurǵazıeva.
О́z kezeginde saıasattanýshy, QR Prezıdenti janyndaǵy Ulttyq qoǵamdyq keńestiń músheleri Aıdos Sarymnyń oıynsha búgingi qoǵam saıasattyń maqsaty men múddelerin shatastyryp alyp jatyr.
"Shyndap keletin bolsaq, bizdiń halyq, bizdiń qoǵam kóp nárseni shatastyratyn sııaqty. Sonyń ishinde saıasattyń maqsaty men saıasattyń keıbir quralyn shatastyryp alady. Mysalǵa, feısbýkke oıyńdy jazý – saıasat emes, saıasatty jetkizý. Al eger qandaı da bir baǵdarlamany nemese zańdy jasap, halyqty soǵan kóndirip, sony eki Palataǵa da maquldatyp, Prezıdenttiń qolyn qoıdyra bilseń, mine, naǵyz saıasat osy", - dedi Aıdos Sarym.
Osy oraıda Aqparat jáne qoǵamdyq damý mınıstrligi Azamattyq qoǵam isteri komıteti tóraǵasynyń orynbasary Nurbol Serikbekov búginde qazaqstandyq qoǵamnyń kimderge kóbirek senim artatynyn aıtyp berdi.
"Sosıologııalyq zertteýlerge súıensek, saýalnamaǵa qatysqandardyń 48,7 paıyzy qoǵamdyq pikir kóshbasshylary retinde jýrnalısterdi kóredi eken, al 35,3 prosenti pikir kóshbasshylar saıası qaıratkerlerdi sanasa, taǵy 25,9 paıyzy pikir kóshbasshylary dep qoǵam qaıratkerlerin, ǵalymdar men sarapshylardy ataǵan. Iаǵnı, bizdiń qoǵamda ǵalymdarǵa, zertteýshilerge, túrli salanyń sarapshylaryna senim óte joǵary. Bizdiń mindetimiz – jastardyń saıası saýattylyq deńgeıin odan ári arttyrý jáne Qazaqstannyń sarapshylyq qoǵamdastyǵyn damytý. Jalpy, búginde sarapshylar qaýymdastyǵynyń róli álemniń barlyq elderinde, sonyń ishinde Qazaqstanda da artyp keledi. Sondyqtan jastardyń saıası saýattylyǵyn arttyrý, sarapshylar qaýymdastyǵyn damytý ózekti máselelerdiń biri bolyp sanalady", - dep atap ótti Nurbol Serikbekov.
Aıta keteıik, Policy Camp» Respýblıkalyq jas saıasattanýshylardyń onlaın mektebi 14 qarashaǵa deıin jalǵasady. Joba aıasynda búgin saıasattanýshylar men sarapshylardyń qatysýymen onlaın semınar-trenıng, al erteń onlaın-debat uıymdastyrylady.