SQO PD Ekstremızmge qarsy is-qımyl basqarmasynyń qyzmetkerleri dinı materıaldardy zańsyz taratý faktisi anyqtaldy, dep habarlaıdy Egemen.kz
30 jastaǵy petropavldyq WhatsApp messendjerindegi statýsyna dinı sıpattaǵy fotosýretterdi jıi qoıyp otyrǵan. Oǵan qarsy SQO PD EQIQB qyzmetkerleri Ákimshilik quqyq buzýshylyqtar týraly kodekstiń 490-baby – "Qazaqstan Respýblıkasynyń dinı qyzmeti jáne dinı birlestikteri týraly zańnamasyn buzý" boıynsha óndiris qozǵady. Petropavl qalasynyń mamandandyrylǵan ákimshilik sotynyń qaýlysymen oǵan 35 aılyq eseptik kórsetkish kóleminde aıyppul tóleý túrindegi jaza taǵaıyndaldy.
"Dinı senim erkindigi zańǵa qaıshy kelmeýi tıis. Dinı materıaldardy shirkeýlerde, meshitterde jáne dinı baǵyttaǵy bilim berý uıymdarynda ne jergilikti atqarýshy organ bergen tıisti ruqsaty bar kitap dúkenderinde ǵana taratýǵa bolady. SQO-da mundaı dúkenderdiń sany 15, onyń 14-i Petropavlda, bireýi Aıyrtaý aýdanynyń ortalyǵy Saýmalkól aýylynda ornalasqan. Dinı kitaptardy jeke kitaphanadan ne basqa joldarmen taratýǵa tyıym salynǵan", deıdi SQO PD EQIQB bastyǵy polısııa podpolkovnıgi Rýslan Jarasbaev.