*AQSh áskerı-áýe kúshteriniń komandovanıesi joıǵysh ushaqtar úshin lazerli qarý jasaý yqtımaldyǵy mol ekendigi týraly aqparat taratty. Eger mundaı qarý jasalǵan jaǵdaıda, ol ornatylatyn ushaqtar 2030 jyldan keıin paıdalanýǵa beriletin bolady. Al ushaqtardy alǵash ret synaqtan ótkizý 2022 jyly júzege asyrylmaq.
*Fransııa taıaýdaǵy alty aı bederinde Ortalyq Afrıka Respýblıkasyna qosymsha 1 myń soldat jiberý nıetinde. Bul jóninde eldiń qorǵanys mınıstri Jan-Iv Le Drıan málimdedi. Qazirgi kezde el basshylyǵy bul qadamǵa barýǵa BUU Qaýipsizdik Keńesiniń ruqsatyn kútip otyr. Al fransýz kontıngenti atalǵan Afrıka elinde qaýipsizdikti qamtamasyz etý úshin qajet kórinedi.
*AQSh áskerı-áýe kúshteriniń komandovanıesi joıǵysh ushaqtar úshin lazerli qarý jasaý yqtımaldyǵy mol ekendigi týraly aqparat taratty. Eger mundaı qarý jasalǵan jaǵdaıda, ol ornatylatyn ushaqtar 2030 jyldan keıin paıdalanýǵa beriletin bolady. Al ushaqtardy alǵash ret synaqtan ótkizý 2022 jyly júzege asyrylmaq.
*Fransııa taıaýdaǵy alty aı bederinde Ortalyq Afrıka Respýblıkasyna qosymsha 1 myń soldat jiberý nıetinde. Bul jóninde eldiń qorǵanys mınıstri Jan-Iv Le Drıan málimdedi. Qazirgi kezde el basshylyǵy bul qadamǵa barýǵa BUU Qaýipsizdik Keńesiniń ruqsatyn kútip otyr. Al fransýz kontıngenti atalǵan Afrıka elinde qaýipsizdikti qamtamasyz etý úshin qajet kórinedi.
*Gollıvýdtyq prodıýser, 68 jastaǵy Arnon Mılchen Izraıl barlaýyna jumys istegenin moıyndady. Bul týraly ol Izraıl telearnasyna bergen suhbatynda málimdedi. Mılchenniń Izraıl arnaıy qyzmetimen baılanysy bar ekeni týraly áńgime buǵan deıin de aıtylyp kelgen edi. Endi bul jaıt alǵash ret naqtylanyp otyr.
*Iemenniń astanasy – Sana qalasynda motosıkl mingen belgisiz sodyrlar eki reseılikti atyp óltirdi. Muny jergilikti polısııaǵa silteme jasaı otyryp, «Reıter» agenttigi habarlady. Derek kóziniń sózine qaraǵanda, qaza tapqandar jergilikti áskerılerge kómektesip júrgen reseılik áskerı nusqaýshylar kórinedi.
*Ázirshe Qytaıdaǵy jeke-dara avıanoses bolyp tabylatyn «Lıaonın» uzaq merzimdi saparǵa attandy. Korabl Shandýn provınsııasyndaǵy Sındao jaǵalaýynan shyǵyp, Ońtústik-Qytaı teńizin betke alǵan. Uzaq merzimdi sapary barysynda avıanoses alǵash ret eki teńizdi: Sary jáne Shyǵys-Qytaı teńizderin kesip ótpek. Osylaısha kemeniń qural-jabdyqtary tekseristen ótkizilmek eken.
*AQSh-tyń eń úlken megapolısi – Nıý-Iork qalasynda Santa-Klaýstardyń dástúrli sherýleri ótpeıtin boldy. Dástúrli sherýler barysynda qaıyrymdylyq maqsatynda qarjy jınalatyn. Volonterler uıymynyń vıse-prezıdenti Reıchel Vaınshteınniń sózine qaraǵanda, búginde Santa-Klaýstar aqsha jınaýdyń tıimdi tásili bolyp tabylmaıdy. Sebebi, sońǵy jyldary jomart amerıkalyqtar qatary aıtarlyqtaı sırep ketse kerek.
* Amerıkanyń GQ jýrnaly yqpaly keri sıpattaǵy ataqty adamdardyń tizimin jasady. Antıreıtıngke ózderiniń tanymaldyǵyn teris pıǵylda paıdalanýǵa árekettengen akterler, pop-juldyzdar, sportshylar men saıasatkerler engen. Ústimizdegi jyly bul tizimdi burynǵy basketbolshy Dennıs Rodman bastap tursa, AQSh prezıdenti Barak Obama da nazardan tys qalmapty. 17-oryndaǵy oǵan isten góri sózge kóp mán beretin «kókmyljyń» prezıdent retinde atalǵan tizimnen oryn tıipti.
Aqparat agenttikteriniń materıaldary negizinde ázirlendi.