Azııa parlamentshileriniń forýmyna qatysty

Bul týraly ol beınekonferensııa formatynda ótken Azııa parlamentshileri forýmy Atqarýshy komıtetiniń 89-shy otyrysynda sóılegen sózinde málimdedi.

Gúlmıra Isımbaevanyń aı­týynsha, uıym qyzmet etken jyldar ishinde turaqty damý maqsattaryn iske asyrý bo­ıynsha zańnamalyq baza­ny qa­lyptastyrý jáne keńeı­tý má­se­leleri boıynsha kópte­gen ju­mys atqardy. Bul Parla­ment ókil­deriniń Azııa óńirin­degi halyq sany men damý prob­le­mala­ryn sheshýge qosqan qomaq­t­y úlesi.

Jıyn barysynda Májilis Tór­aǵasynyń orynbasary parla­mentshilerdiń jastardy qoldaý máselelerine erekshe nazar aýdar­ǵanyna toqtalyp, 2018 jyly Qazaqstan astanasynda «Jastarǵa – ınvestısııa» atty halyqaralyq konferensııa uıymdastyrǵanyn atap ótti.

Májilis vıse-spıkeri Qazaq­stan­nyń ulttyq, óńirlik jáne jahan­dyq deńgeıde halyqtyń qonys­tanýy men ornyqty damý prob­lemalarymen aınalysatyn barlyq halyqaralyq uıym­darmen belsendi yntymaqtastyq ornatqanyna nazar aýdardy.

Gúlmıra Isımbaeva Azııa-Tynyq muhıty óńiriniń halyq sany men demografııasy máse­leleri boıynsha derekter bazasyn qurý, ortaq zańdylyqtar men erekshelikterdi anyqtaý, demografııalyq problemalardy sheshýde tájirıbe almasý jáne jınaqtaý memleketterge aldyn alý sharalaryn qabyldaýǵa jáne sol arqyly kóptegen áleýmettik problemany boldyrmaýǵa múm­kindik beretinine toqtaldy.

Májilis Tóraǵasynyń orynbasary pandemııa kezindegi kúrdeli ekonomıkalyq jaǵdaıda áleýmettik-ekonomıkalyq baǵ­darlamalar Qazaqstandaǵy mem­lekettik saıasattyń basym baǵyty bolyp otyrǵanyna nazar aýdardy. Osyǵan sáıkes Memleket basshysy Qasym-Jomart Toqaevtyń tapsyrmasy boıynsha halyqtyń áleýmettik qorǵalmaǵan toptaryna qoldaý kórsetý jáne jumys oryndaryn saqtaý úshin sharalar kesheni ázirlengenin atap aıtty.

Beınekonferensııa formatynda ótken otyrysta Azııa par­lamentshileri forýmynyń tór­aǵasy Keızo Takımı jáne uıym­nyń ýaqytsha atqarýshy dırektory Kııoko Ikegamı quttyqtaý sóz sóıledi.

Jıyn barysynda qaty­sý­shylar uıymnyń qyzmeti týraly esepti, sondaı-aq aldaǵy kezeńge arnalǵan josparlardy tal­qylady, dep habarlady Máji­listiń baspasóz qyzmeti.