“QazjolǴZI” AQ usynǵan “Jol bıtýmynyń joǵary jáne tómen temperatýralyq sıpattamalaryn jaqsartý” ǵylymı-zertteý jobasy Qazaqstan Respýblıkasy Bilim jáne ǵylym mınıstrligi Ǵylym komıtetiniń 2020-2022 jyldarǵa arnalǵan ǵylymı jáne ǵylymı-tehnıkalyq jobalaryn granttyq qarjylandyrý baıqaýynda jeńiske jetti, dep habarlaıdy Egemen.kz.
Qazir ǵalymdar jańa zertteme boıynsha belsendi jumys jasaýda. Sarapshylardyń sózinshe, búginde respýblıkalyq jáne jergilikti mańyzy bar joldarda asfaltbeton jamylǵysy basym. Atalǵan materıal temperatýra áserine sezimtal. Sondyqtan da bıtýmnyń nemese bıtým baılanystyrǵyshtyń temperatýralyq turaqtylyǵy asfaltbetonnyń tózimdiliginde sheshýshi ról oınaıdy. Iаǵnı onyń tómen temperatýradaǵy jarylǵyshtyǵy jáne plastıkalyq deformasııaǵa tózimdiligi osyǵan baılanysty.
Instıtýt ǵalymdary asfaltbeton jabyndysynyń buzylýyn aldyn alý úshin suıyltylǵan jáne modıfıkasııalanǵan bıtýmdy qoldanýǵa bolatynyn aıtyp usynýda. Basqasha aıtqanda, jol qurylysynda dástúrli túrde qoldanylatyn tutqyr jol bıtýmy shaıyrmen suıytylyp, polımerlermen modıfıkasııalanbaq.
Granttyq joba aıaqtalyp, aprobasııadan ótkennen keıin modıfıkasııalanǵan jáne syǵymdalǵan bıtým Qazaqstan avtomobıl joldaryn salý men jóndeýde qoldanylatyn bolady.