Alibaba.com platformasynda Gold Supplier mártebesi bar akkaýnttar usynylatyn qazaqstandyq uıymdardy irikteý qorytyndylary shyǵaryldy. Bul týraly Saýda jáne ıntegrasııa mınıstrligi habarlady.
Salalyq vedomstvo men QazTrade Alibaba.com platformasynda «Gold Supplier» mártebesi bar akkaýnttar usynylatyn qazaqstandyq uıymdardy irikteý qorytyndylary shyǵarylǵanyn málimdedi.
«Bıyl qazan aıynda Export.gov.kz portalynda irikteýge qatysý úshin qazaqstandyq kompanııalardan ótinimder qabyldandy. Irikteýge qatysýǵa 100-den astam elektrondy ótinim berilip, óńdeldi. Qujattar irikteý qaǵıdalarynda belgilengen biliktilik talaptaryna sáıkestigine qaraldy», delingen mınıstrliktiń aqparatynda.
Irikteý nátıjeleri boıynsha baǵalaý kezeńinen ótken Alibaba platformasynda «Gold Supplier» mártebesi bar akkaýnttar usynylatyn 50 qazaqstandyq uıymnyń (taýar óndirýshiler men saýda kompanııalary) tizimi jasaldy. Buǵan qosa rezervtik uıymdardyń tizimi ázirlenip, oǵan 24 kompanııa kirdi.
Irikteýden ótken uıymdarǵa servıstik qoldaý kórsetilip, Alibaba.com halyqaralyq elektrondy saýda platformasynda 12 aıǵa Gold Supplier akkaýntary beriledi.