Batys Qazaqstan oblysynda «Nur Otan» partııasy oblystyq fılıalynyń kezekten tys XXVI konferensııasy bastaldy. Konferensııa otyrysyna partııanyń oblystyq fılıaly tóraǵasy, óńir basshysy Ǵalı Esqalıev tóraǵalyq etýde.
Kezekten tys konferensııaǵa ókilettilik normasyna sáıkes saılanǵan 128 delegattyń 124-i qatysyp jatyr. Konferensııanyń kún tártibinde «Nur Otan» partııasynyń Batys Qazaqstan oblysy boıynsha saılaýaldy baǵdarlamasyn bekitý, Qazaqstan Respýblıkasy Parlamentiniń Májilisine debat qorytyndysy boıynsha kandıdattarǵa daýys berý máseleleri qaralmaq. Sonymen qatar «Nur Otan» partııasynan oblystyq máslıhat depýtattaryn saılaý boıynsha partııalyq tizimdi bekitý, atalǵan partııanyń kezekten tys HH Sezine delegattardy saılaý men ózge de máseleler konferensııanyń kún tártibine engen.
- Elimizdiń Tuńǵysh Prezıdenti - Elbasymyz Nursultan Ábishuly Nazarbaevtyń bastamasymen táýelsiz elimizdiń tarıhynda bıyl alǵash ret jalpy ulttyq deńgeıde ótken praımerızge kózi ashyq, kókiregi oıaý, sanasy bıik, ózindik ıdeıasy bar, jańa kózqarastaǵy azamattar qatysty dep oılaımyn. Partııaishilik irikteý – barsha qatysýshyǵa teń múmkindik berdi. Praımerızge kásipkerler, ustazdar, dárigerler, qurylysshylar, úkimettik emes uıym, buqaralyq aqparat quraldary sekildi túrli salanyń mamandary men ókilderi qatysty. Ásirese jastar men áıel adamdardyń belsendiligin atap ótken abzal, - dedi oblys ákimi, fılıal tóraǵasy Ǵalı Esqalıev.
Batys Qazaqstan oblysy boıynsha praımerızde 460 kandıdat tirkelip, 421 kandıdat qatysqan. Onyń ishinde 155-i (36,8%) – áıel, 144-i (34,2 %) – 35 jasqa deıingi jastar bolǵan. Tórt kúnge sozylǵan daýys berýde oblysta turatyn partııa músheleriniń 85%-y, ıaǵnı 22 903 adam qatysyp, tańdaý jasapty. Osy aralyqta oblys turǵyndarynan 1205 usynys túsip, onyń 77%-y oblys, qala men aýdandyq partııa fılıaldarynyń saılaýaldy baǵdarlamasyna engizilgen.
Batys Qazaqstan