Osydan dál úsh jyl buryn, ıaǵnı 2017 jyldyń 18 qarashasynda álemdegi eń áıgili aýyr atlet, Túrkııanyń maqtanyshy Naım Súleımanoǵly qaıtys bolǵan edi, dep habarlaıdy Egemen.kz.
Áý basta aty-jóni Naým Shalamanov bolǵan aıtýly sportshy Bolgarııada týyp-ósti. Birer jyl sol eldiń namysyn qorǵap, kóptegen tabystarǵa qol jetkizdi.
Keıinnen Túrkııaǵa qonys aýdardy. Anadoly elinde de ol bıik belesterdi baǵyndyrdy. Atap aıtsaq, 1983-2000 jyldar aralyǵynda Olımpıadanyń úsh, álemniń jeti jáne Eýropanyń bes dúrkin chempıony atandy.
Álem kýbogyn úsh márte oljalady. Álemdik rekordty 46 ret jańartty. Kúni búgingi deıin jer betinde ataq-dańqy jaǵynan Súleımanoǵylynyń aldyn oraıtyn birde-bir aýyr atlet joq. Ol áıgili bapker Enver Túrkilerıdiń qol astynda jattyqty.
Úlken sporttan qol úzgennen keıin áıgili sportshy baýyr aýrýyna shaldyqty. Uzaq ýaqyt boıy emdeldi. Biraq dendegen dert jazylmady. Aqyry Naım Súleımanoǵly 50 jasynda jaryq dúnıemen qosh aıtysty.