Qazaqstannyń Iordanııadaǵy Elshisi Aıdarbek Tumatov Amman qalasynyń meri Iýsef ash-Shaýarıbpen kezdesti. Kelissózder barysynda taraptar Nur-Sultan ákimdigi men Amman mýnısıpalıteti arasyndaǵy yntymaqtastyqty odan ári nyǵaıtý perspektıvalaryn, sondaı-aq ekijaqty bastamalardy qoldaý kórsetý máselesin talqylady.
Osy rette, Abaı Qunanbaıulynyń 175 jyldyq mereıtoıyn atap ótý aıasynda Qazaqstan Respýblıkasynyń Táýelsizdik kúni qarsańynda saltanatty ashylý rásimimen Amman qalasyndaǵy ortalyq kóshelerdiń birine qazaqtyń uly aqynynyń esimin berý týraly ýaǵdalastyqqa qol jetkizildi.
2010 jyldyń mamyr aıynda Korol II Abdallanyń Jarlyǵymen Iordanııa astanasynyń ortalyq kósheleriniń birine QR Tuńǵysh Prezıdenti N.Nazarbaevtyń esimi berildi. 2018 jylǵy jeltoqsanda Ammanda «Astana» kóshesiniń saltanatty ashylý rásimi ótti.
Nur-Sultanda Iordanııa astanasy Amman atyndaǵy kóshe bar, al 2017 jylǵy 27 shildede Iordanııanyń ulttyq kúni aıasynda «EKSPO-2017» halyqaralyq kórmesinde Hýseın ben Talal atyndaǵy kósheni ashý rásimi ótti.