Nur-Sultan qalasynyń ákimi "Jeleznodorojnyı" eldi-mekeniniń turǵyndarymen kezdesti. Olardyń qatarynada jaqynda ǵana gazǵa kóshken turǵyndar da boldy. Bul týraly Altaı Kólginov Instagram paraqshasynda jazdy, dep habarlaıdy Egemen.kz.
"Eldi-mekenderde jumystar birkelki júrgizilip jatyr. Qalanyń shetki aımaqtarynda joldar salynyp, káriz, elektr, sýmen jabdyqtaý jelileri tartylyp, polıortalyq qaraı yńǵaılanyp jasalýda. Turǵyndarǵa qolaıly ári jaıly ortalardyń qalyptasýy arqyly eldi-mekenderdiń ózindik stıli aıqyndalyp keledi. Mysaly, Kóktal eldi-mekeninde uzyndyǵy 16 gektarǵa jýyq jańa saıabaq, О́ndiris eldi-mekeninde tynymbaq, sonymen birge eldi-mekenderde tórt birdeı úlken dene shynyqtyrý-saýyqtyrý kesheniniń qurylysy júrgizilip jatyr. Jeke sektor turǵyndarynyń turmys sapasyn arttyrý maqsatynda gaz taratý jelilerin júrgizemiz.
Jeleznodorojnyı eldi-mekeninde ornalasqan úıler qarasha aıynyń basynda gazǵa qosyla bastady. Úıine gaz qosqysy keletin adamdardyń sanynyń artqanyn baıqadyq. Bul bizdi qýantady. О́ıtkeni gazǵa kóshirýdiń kóptegen artyqshylyǵy bar. Nátıjesinde qorshaǵan ortaǵa zııandy zattardyń taralýy azaıyp, ekologııa jaqsarady. Sonymen birge endi turǵyndarǵa kómirdi satyp alý, ony saqtaý, sapasy týraly oılanýdyń, kúnine birneshe ret úıdi jylytýdyń qajeti joq.
"Jeleznodorojnyı" eldi-mekeniniń turǵyndarymen kezdestim. Olardyń qatarynada jaqynda ǵana gazǵa kóshken turǵyndar da boldy. Jergilikti azamattarmen eldi-mekendi damytý máselelerimen qatar 2021 jyldyń josparyn talqyladyq.Sonymen birge Promyshlennyı, Kóktal-2, Agrogorodok eldi-mekeniniń bir bóliginde qurylys-montajdaý jumystary aıaqtalsa, qazir syǵymdaý jumystary júrgizilip jatyr. Olardy osy jyldyń jeltoqsan aıyna deıin gazǵa qosýdy josparlap otyrmyz. Osy jyldyń sońyna deıin Kóktal-1 eldi-mekeniniń turǵyndarynda da gazǵa qosyla alady.
700-den astam turǵyn tehnıkalyq sharttardy alsa, 3,5 myńnan astam turǵynǵa front-ofısterde keńes berildi. Bir tekshe metr gazdyń baǵasy 45 teńgeden 34,6 teńgege deıin tómendedi.
Gazben qamtý – Elbasynyń strategııalyq jobasy. Tuńǵysh Prezıdenttiń 5 áleýmettik bastamasy aıasynda salynǵan "Saryarqa" magıstraldyq gaz qubyry Ortalyq Qazaqstan men elordany elimizdiń biryńǵaı gaz tasymaldaý jelisimen baılanystyrady.
Qalany gazdandyrý úsh kezeńde júrgiziledi. Bul prosess Memleket basshysynyń árdaıym baqylaýynda. Sonymen qatar, osy aıda JEO-1 jáne JEO-2 sý jylytý qazandyqtarynyń bir bóligi gazǵa aýystyryldy", dep jazdy Altaı Kólginov.