О́zbek drama teatry jańa maýsymyn ashty

Jańa maýsymnyń ashylýyna arnaıy qatysqan Shymkent qalasy ákiminiń birinshi orynbasary Shyń­ǵys Muqan jón­deýden ót­ken teatrdyń ǵıma­ratymen tanysyp, ujym ju­my­syna sáttilik tiledi. El kó­­le­­mindegi jalǵyz ózbek teatry osy­dan 17 jyl bu­­ryn, ıaǵnı 2003 jyly 12 qazanda  ashylǵan bo­latyn. Teatrdyń ashylý salta­natyna Elbasy N.Nazarbaev qatysyp, óz­bek aǵaıyndardyń qýa­nyshyn bólisken-di. Sol kez­­degi Ońtústik Qazaqstan obly­synda turatyn 600 myń­ǵa jýyq ózbek dıas­porasy úshin teatrdyń ashylýy tilin, salt-dástúrin saq­tap qalýǵa, ult­ara­­lyq tatýlyqty nyǵaıtýǵa yq­pal etkeni anyq. Osy jyldar ara­lyǵynda kórermen qaýymǵa 80-nen astam spektakl usynǵan teatr reper­týarynda búginde 50-den asa qoıylym bar. Ár jylda­ry Qazan qalasynda, Bakýde jáne Qyrymnyń shyǵysyndaǵy Kerchte ótken halyqaralyq fes­tıvalderge qatysyp, júldeli oryn­nan kóringen teatr ujymy pan­demııa kezinde de jumysyn toqtatpaı, onlaın formatta óner­sú­ıer qaýymmen baılany­syn jal­ǵastyrdy. Teatrda úl­ken – 480 oryn­dy jáne kishi – 80 oryndy zal­dar bar. Shtat sany – 53, onyń ishinde shyǵarmashylyq qyz­met­kerler sany – 31.

Jańa sahnada, jańarǵan kó­rermen zalynda ótken jańa maýsymnyń ashylý saltanatynda teatr ujy­my qatysýshylarǵa birqatar spektaklderden úzindi, kon­serttik baǵdarlama usyndy. Sondaı-aq is-sha­ra barysynda Shyńǵys Mu­qan 2013 jyldan beri teatr dırektorynyń qyz­metin atqaryp kelgen Ik­ram Ha­shımjanovty zeınet­ker­likke shyǵýymen qala ákimi Murat Áıtenovtiń atynan quttyqtap, ıyǵyna shapan jaýyp qurmet kórsetti. «Te­tardyń tarıhy te­reń­de, sonaý 1929 jyly Shym­kenttegi drama teatr janynan orys jáne ózbek trýp­palary ashylǵan. Ekin­­shi dúnıejúzilik soǵy­s­tan keıin ózbek trýppasy Qyzylorda qalasyna kó­­shirilipti. Alaıda ara­­da 3 jyl ótken soń bir­qa­tar, onyń ishin­de akter­ler­diń baryp-kelýi syn­dy qıyndyqtarǵa baılanysty jabylǵan eken. Elimiz Táýelsizdik alǵan soń 2013 jyly ózbek drama teatry ashyldy. Bul elimizde ómir súrip jatqan ózbek halqy úshin úlken mártebe ári qoldaý boldy. Qazaqstan men О́zbektan arasyndaǵy má­denı baılanysty nyǵaıtýǵa da zor septigin tıgizdi. Biz­diń teatr kór­shi eldiń bir­qatar ob­lys­ta­rynda gastrolde bolyp, óner kór­setti. О́z kezeginde О́z­bek­stannyń Qazaqstandaǵy jy­­ly sheńberinde kórshi el­degi áriptesterimiz de gas­troldik saparmen keldi. Búgingi is-sharaǵa, ıaǵnı ja­ńa maýsymnyń ashylýy­na Qyrǵyzstan, О́zbekstan, Tá­jikstan elderinen qut­tyqtaý hattar kelip jatyr. Álemdi ábi­gerge salǵan pandemııa da óter, ıaǵnı kór­shi memleketter­men baı­lanys jalǵasyn taba­ry anyq», deıdi Ikram Ha­shımjanov. Zeı­net jasyna jetip, jastarǵa oryn be­rýdi jón sanaǵan Ikram Ha­shımjanov endi bas dı­rek­tordyń keńesshisi re­tinde teatr­dyń damýyna úles qospaq.

Shymkent