Oblysta ónerkásipti damytýda otandyq óndirýshilerdi qoldaýǵa, básekege qabiletti jáne ımportty almastyratyn ónim shyǵaratyn jańa óndiristerdi ashýǵa basa nazar aýdarylatyn bolady. Nur Otan partııasy BQO fılıalynyń kezekten tys XXVI konferensııasynda sóz alǵan oblys ákimi, fılıal tóraǵasy Ǵalı Esqalıev osylaı dedi.
Nur Otan partııasynyń oblystyq fılıalynyń saılaýaldy baǵdarlamasynda óńirdiń damýynyń jeti basym baǵyty aıqyndalǵan bolatyn. О́ńir ónerkásibin damytý, otandyq óndirýshilerdi qoldaý, básekege qabiletti jáne ımportty almastyratyn ónim shyǵaratyn jańa óndiristerdi ashý úshin 177 ınvestısııalyq joba, agroónerkásiptik keshende 34 joba júzege asyrylmaq. «Bul keshendi sharalardyń nátıjesinde aýyl sharýashylyǵyndaǵy eńbek ónimdiligi 1,5 esege deıin artady», dedi Ǵalı Esqalıev.
О́ńir basshysynyń aıtýynsha, kásipkerlikti damytý maqsatynda jylyna 270-ten astam jobany memlekettik qoldaý, 5 myńnan astam shaǵyn nesıe, jańa bıznes-ıdeıalardy iske asyrýǵa 3 myń grant berýge de kóńil bólinýde.
– Aýyl halqyn aýyz sýmen qamtamasyz etýdi 100 paıyzǵa jetkizý, jalpy uzyndyǵy 800 shaqyrymnan astam avtojoldardyń sapasyn jaqsartý, halyqty turǵyn úımen qamtamasyz etý deńgeıin jetildire túsý maqsatynda birqatar jumys atqarylýda. Turǵyndardy baspanamen qamtý úshin 2,5 mln sharshy metrden astam turǵyn úı salynady, – dedi oblys ákimi.
Konferensııada jarııalanǵan partııa baǵdarlamasynda «Áleýmettik baǵdarlanǵan óńir», «Jastarǵa arnalǵan aımaq», «Tarıhy men mádenıeti baı aımaq», «Ashyq jáne qoljetimdi ákimdik», «Qaýipsiz aımaq» sekildi jobalar da bar.
– Bizdiń partııa óńir turǵyndarynyń barlyq tilegin qanaǵattandyrý úshin qajetti sharalardy jasaıtyn bolady. Halyqtyń barlyq tobynyń múddesin qamtyp, halyq pen bılik arasyn baılanystyrýshy býyn bolamyz. Aldymyzǵa qoıǵan maqsat-mindetterge birlese qol jetkizeıik! – dedi óńir basshysy Ǵalı Esqalıev.