On toǵyzynshy qarashada Qurlyq áskerleriniń zymyran áskerleri men artıllerısteri kásibı merekelerin atap ótýde.
Áskerler quramy Odaq Qarýly Kúshterindegi Ortaazııalyq áskerı okrýginiń zymyran áskerleri men artıllerııa shtabynyń bazasynda quryldy. Atalǵan áskerlerdiń qalyptasýy men damýyna general-maıorlar Lut Álshekenov pen Rýslan Shpekbaev, polkovnıkter Mıhaıl Shleıko, Dáýren Eshojın, Nıkolaı Mısıýra, Vıktor Kashoıd jáne Ǵınııatqalı Shalabaev eleýli úles qosty.
Elimizdiń Zymyran áskerleri men artıllerııasynyń quramynda, taktıkalyq zymyrandardyń quramalary, gaýbısalyq, zeńbirektik, reaktıvti jáne tankige qarsy qoldanylatyn artıllerııa, artılllerııalyq barlaý, mınaatqysh jáne tankige qarsy bólimsheler bar. Áskerler «Vasılek», «Sanı», «Podnos» jáne «Deva» mınometteri, ózdiginen júretin «Gvozdıka» jáne «Akasııa» artıllerııalyq qondyrǵylary, súıretiletin «MSTA-B», «Gıasınt» qarýlary, D-20 jáne D-30 gaýbısalary, «Grad», «Grad-1», «Prıma», «Ýragan» jáne «Smerch» dúrkindetip atýdyń reaktıvti júıeleri, «Tochka-Ý» taktıkalyq keshenderi, «Rapıra» zeńbirekteri jáne «Shtýrm-S» tankke qarsy zymyran keshenderimen jaraqtalǵan. Joǵary qýatty 240 mm ózdiginen júretin «Tıýlpan» mınometteri bar.
Artıllerııany optıkalyq jáne radıolokasııalyq barlaý, topogeodezııalyq, meteorologııalyq jáne ballıstıkalyq qamtamasyz etý quraldarymen qaıta jaraqtandyrý boıynsha josparly jumys júrgizilýde. Jaýyngerlik qoldanýdyń jańa tásilderi men atysty basqarýdyń avtomattandyrylǵan júıeleri engizilýde.
Zymyran men artıllerııa mamandary oqý-jattyǵý barysynda tájirıbelik daǵdylaryn jáne mashyqtaryn pysyqtaıdy. Aǵymdaǵy jyldyń qyrkúıek aıynda ótken «Aldaspan» jedel-taktıkalyq komandalyq-shtabtyq oqý-jattyǵýyna «Ońtústik» óńirlik qolbasshylyǵynyń jalpy áskerı quramalarynyń artıllerııalyq bólimsheleri jumyldyryldy. Maqsattar týraly aqparat naqty ýaqyt rejıminde áskerlerdiń shtabyna «SkyLark» ushqyshsyz ushý apparattarynan jáne jyljymaly nysandardy barlaýdyń radıolokasııalyq stansııasynan kelip tústi. Tórt jyl boıy Armııa halyqaralyq oıyndaryndaǵy, «Artıllerııalyq oq atý sheberi» saıysynda qazaqstandyq áskerı qyzmetshiler birinshi oryndy ıelendi.
Qarýly Kúshteri Qurlyq áskerleriniń Áskerı ınstıtýtynda 1993 jyldan bastap jyl saıyn 60 artıllerıst ofıser daıarlaıtyn artıllerııa kafedrasy jumys isteıdi. Tuńǵysh Prezıdent – Elbasy atyndaǵy Ulttyq qorǵanys ýnıversıtetiniń bazasynda 2014 jyly zymyran áskerleri men artıllerııa kafedrasy quryldy. Onda tereń teorııalyq jáne tájirıbelik bilimi bar mamandar sabaq beredi. Sankt-Peterbýrg qalasyndaǵy Mıhaılov áskerı artıllerııalyq akademııasynda osy salanyń mamandaryn daıarlaıdy. Jyl saıyn zymyran jáne artıllerııalyq ásker qataryn Qaraǵandy jáne Almaty polıtehnıkalyq ýnıversıtetteriniń áskerı kafedralar túlekteri tolyqtyrady.