Áleýmettik kómektiń áleýeti mol

«Ataýly áleýmettik kómek» baǵdarlamasyn iske asyrýǵa bıyl  1,5 mlrd teńge bólindi. Tur­mysy tómen otbasy balalaryn kepildi áleýmettik paketpen qamtamasyz etýge shamamen 265 myń teńge bólingen. Bul týraly baspasóz máslıhatynda Semeı qalalyq  jumyspen qamtý jáne áleýmettik baǵdarlamalar bóliminiń ókilderi aıtty.

– Tótenshe jaǵdaılar keze­ńinde ataýly áleýmettik kómek (AÁK) ótinishsiz avtomatty túr­­de 5%-ǵa ósirilgen kólemde 2160 otbasyna  taǵaıyndaldy. Sonymen birge  avtomatty túrde, ótinish berýshilersiz bıylǵy jyldyń 3-4-toqsandaryna AÁK taǵaıyndaý ótinishteri tý­­­raly málimetter jasaldy. Bú­gingi kúni AÁK 2756 otbasyna taǵaıyndaldy, – deıdi ju­mys­­­pen qamtý jáne áleýmettik baǵ­dar­­lamalar bóliminiń sektor meń­ge­rýshisi Aıdar Samaev.

Sonymen qatar baspasóz más­lıhatynda bıylǵy 1 qańtar­dan bastap ataýly áleýmettik kómek alatyn otbasyndaǵy bala­larǵa kepildi áleýmettik paket engizilgenin atap ótti. Azyq-tú­lik jıyntyǵy jáne turmystyq hımııa taýarlary túrindegi áleý­mettik paketter bir jastan alty jasqa deıingi balalarǵa beriledi. Kepildi áleýmettik pakettiń ekinshi túri orta bilim beretin mekemelerdegi 6 jas­tan 18 jasqa deıingi balalarǵa oqý jyly kóleminde beriledi. Alty jastan on segiz jasqa deıingi memlekettik áleýmettik paket tórt bólikten turady: mek­tepterde ystyq tamaq, mek­tep kıim úlgisi, mektepke qa­jetti jabdyqtar jáne qalalyq qo­ǵamdyq kólikterge 50 paıyzdyq jeńildik qarastyrylǵan. Alty jastan on segiz jasqa deıingi balalardyń kepildi áleýmettik paketteri jalpy bilim berý sheńberinde bilim berý uıymdary arqyly beriledi.

Búginde azyq-túlik jıyn­­­­tyǵy jáne turmystyq hımııa taýar­lary túrindegi kepildi áleý­­mettik paketti 1980 otbasy alady. Kelesi jyldan bastap 1 jastan 6 jasqa deıingi balalarǵa kepildi áleýmettik paketterdi áleýmettik qyzmet kórsetý portaly arqyly berý josparlanýda. Qalanyń bes kitaphanasynda jáne «Januıa» otbasylaryn qol­daý ortalyǵynda jeti ózine-ózi qyzmet kórsetý aımaǵy uıym­­das­tyrylǵan.

Jyl basynan «Eńbek» baǵ­­dar­lamasymen 3409 adam qam­tyldy. Baǵdarlamanyń birin­shi baǵyty sheńberinde qajetti mamandyqtar boıynsha qysqa merzimdi kásibı oqýlarǵa 227 adam joldandy.­ Oqy­tý toǵyz oqý ornynda­ toǵyz mamandyq boıynsha júr­gizi­lý­de. Atap aıt­saq, slesar-san­­tehnık, kran mashınısi, aýyl­­sharýashylyq óndiristik trak­torshy-mashınısi, saıahat jónin­degi menedjer, ti­ginshi, aspaz, kondıter, naýbaı, dánekershi.

Al baǵdarlamanyń ekinshi baǵyty – jappaı kásipkerlikti damytý. Mı­kro­­nesıelerdi alýǵa 1,8 mln teńge berildi. Jańa bıznes-ıdeıa­lardy júzege asy­rýǵa qatysty mem­lekettik grantty 218 adam aldy, granttyń jalpy somasy – 121 mln teńge. Ol grant iri qara mal ósirý, kondıter ónimderin daıyndaý, tiginshi qyz­meti jáne taǵy da basqa jobalardy júzege asyrýǵa berildi.

– Baǵdarlamanyń úshinshi ba­ǵyty – halyqty jumyspen qamtý jáne eńbek resýrstaryn jumyldyrý arqyly eńbek narqyn damytý. Atalǵan baǵyt sheńberinde turaqty jumys oryndaryna 833 adam ornalas­tyryldy. Jumyssyz jastar ýaqytsha jastar tájirıbesine, áleýmettik jumys oryndaryna, qoǵamdyq jumystarǵa ornalas­tyryldy, – dedi A.Samaev.

«Eńbek» baǵdarlamasyn iske asyrý jumystary áli de jal­ǵasyn taba bermek. Búgingi kúni Semeı aımaǵynda múgedektigi boıynsha arnaıy jáne mem­lekettik járdemaqyny 13 865 adam alady, onyń ishinde 1391 múgedek bala bar.

Múmkindigi shekteýli adam­dardy ońaltý medısınalyq-áleýmettik sarap­tama bólim­derimen jasalǵan jáne múge­dekterge qajetti jab­dyqtarmen, qyzmetpen qam­tamasyz etýge baǵyttalǵan múge­dekterdi ońaltý jeke baǵdar­la­mala­ry negizinde júrgiziledi. Múge­dekterdi ońal­týdyń jeke baǵdar­lamasy negizin­de búgin­gi kúni memlekettik qyzmet kór­setýge 3650 adam habarlasty.

Jumyspen qamtý jáne áleý­­met­tik baǵdarlamalar bó­l­i­mi­niń habarlaýynsha, múge­dekterdi áleýmettendirýdiń deń­geıin kóterý maqsatynda olar tehnıkalyq qosalqy jab­­dyqtarmen – protezdi-or­to­pe­dııalyq kómekpen, sýrdo-tıflo jabdyqtarmen, arnaıy qozǵalý jabdyqtarymen, sana­torılik-kýrorttyq emdelýmen, mindetti gıgıenalyq jabdyqtarmen, jeke kómekshi­lerdiń qyzmetterimen jáne ymdaý tiliniń mamandarymen qamtamasyz etilýde. 1-2 toptaǵy nashar kóretin múge­dekter qalalyq kólikterde tasy­mal­daýshynyń esebinen tegin júredi. Estý qabileti buzylǵan adamdarǵa «Semei» telearnasynda kúndelikti jańalyqtardyń sýrdoaýdarmasy júzege asyrylady. Sonymen qatar jyl saıyn belgili datalarda jáne mereke kúnderinde bir rettik áleýmettik kómek kórsetiledi.

Sonymen qatar baspasóz más­lıhatynda habarlaǵandaı, qıyn ómirlik jaǵdaı (órt, tabıǵat apat­tary, áleýmettik mańyzdy aýrýlar jáne t.b.) týyndaǵandaǵy bir rettik áleýmettik kómek jan sanyna shaqqanda kiristeri eń tómengi kúnkóris deńgeıinen as­paıtyn otbasylarǵa beriledi. Bú­gingi tańda kúnkóris mınımýmy – 36 157 teńge. Kómektiń bul túri boıynsha otbasy tabysyn esepke alyp, ótinish bildirý qa­jet.

Halyqtyń júrip-turý­lary shekteýli toptary úshin áleý­mettik jáne kólik­tik ınfra­qurylym nysandaryn beıimdeý boıynsha jumystar jalǵasýda. Kóptegen mekemeniń ishinde ta­baldyryqsyz aımaqtar quryl­ǵan, taktıldi jolaqtar jáne plı­talar bar. Bıylǵa 75 nysan­dy beıimdeý josparlanǵan, onyń 26 nysanynda beıimdeý jumystary aıaqtaldy.