«Aqıqat» jeńimpazdary anyqtaldy

Sharany ótkizýshi «Aqıqat» pikirsaıys klýby 2011 jyly qurylǵan. Onyń qyzmeti táýelsiz Qazaqstan tarıhyndaǵy ózekti máselelerdi taldaý arqyly jas­tardy synı turǵydan oılaý daǵdysyna baýlyp, týyndaǵan máseleni óz betinshe eńserýmen qatar, shynaıy aqıqatqa qol jetkizýge baǵyttalǵan.

Týrnır jeńimpazdaryn marapattaý rásimine jeńiske jetken komandalar men olardyń bapkerleri, týrnır tóreshileri, sondaı-aq №1 Balalar mýzyka mektebiniń dombyra ansambli qatysty.

Elbasy kitaphanasynyń dırektory Ámirhan Rahymjanov jastarǵa arnap sóz sóılep, belsendi ári talapshyl órender­di qoldaý memlekettiń bas­ty min­deti ekenin atap ótip: «Qazaqstan Respýblıkasynyń Tuńǵysh Prezıdenti – Elbasy Nursultan Nazarbaev órke­nıet­ti eldiń bola­shaǵyn bilimge qushtar jastar qalyptasty­ratynyn jıi aıtady. Jyl ót­ken saıyn pikirtalas týr­nır­lerine qatysýshylar jaýap­ty sheshim qabyldaýda daıyn­dyq deńgeıleriniń joǵary eke­nin kórsetip keledi. Týrnır­diń jeńimpazdaryn shyn jú­rek­ten quttyqtaımyn jáne qa­tysýshylardyń árqaısysy bıik shyńǵa jeterine senimdimin. Sizderge barlyq jol ashyq. Oqýda jáne ózin ózi jetildirýde tolaǵaı tabystar tileımin!» deı kele, týrnır jeńimpazdaryna Elbasy kitaphanasynyń aýyspaly kýbogyn tabystady.

Týrnır qorytyndysy bo­ıynsha «Qazaq lıgasy» tobynan birinshi oryndy Halyq­aralyq lıngvıstıkalyq kol­lejdiń «Tózim» komandasy jeńip alsa, kelesi oryndardy: Gýmanıtarlyq kollejdiń «Fı­naldamyz» komandasy men «Dostyq» komandasy bólisti. Al «Orys lıgasy» tobynan Basqarý kolledjiniń «Bırmıngem» komandasy jeńimpaz dep tanylyp, sonymen qatar «Úzdik spıker», «Úzdik bapker», «Úzdik tóreshi» atalymy boıynsha úzdikter anyqtaldy.

Osyndaı mańyzdy mádenı jumystarǵa uıytqy bolyp júr­gen «Aqıqat» pikirsaıys klýby elordalyq oqýshylar men stýdentter arasynda pi­kir­talas órbitýdiń bastamashy­syna aınalýmen birge, qala­lyq, respýblıkalyq, halyq­aralyq pikirtalas týrnırlerin uıymdastyryp júr. Basty taqyryby – Qazaqstan Respýb­lıkasynyń Tuńǵysh Prezıdenti – Elbasy N.Nazarbaevtyń ıdeıa­­lary men bastamalaryn jáne Qazaqstan táýelsizdigi tarı­hynyń ózekti máselelerin tal­qylaýǵa arnalǵan. Klýb ju­my­syna qazirgi tańda eki myńnan as­tam bozbala men boıjetken qatysady.