Túrki Keńesi aıasyndaǵy qanatqaqty joba

Is-sharaǵa Túrki Keńesiniń keden organdarynyń,  kólik mınıstrlikteriniń, sondaı-aq О́zbekstan men Qazaqstannyń halyqaralyq tasymaldaýshylary qa­ýym­dastyǵynyń jáne HTQ-niń  ókilderi qatysty.

«eTIR» júk tasymaldaý júıe­sin sıfr­landyrýǵa baǵyttalǵan jáne júkterdi shekarada kedendik baqylaý rásimderin ótpeı, tasy­maldaýǵa múmkindik beredi.

Túrki Keńesi bas hatshysynyń oryn­ba­sary Mırvohıd Azımov rásimde sóz sóı­leý barysynda «eTIR»-diń keden organ­­darynyń da, júk tasymaldaý­shy­lar­dyń da ju­mysyn aıtarlyqtaı ońtaı­­lan­­­dyrýǵa, paıdalaný shyǵyn­daryn qys­qartýǵa, tasymaldaý­dy jedelde­týge jáne naqty ýa­qyt rejiminde jumys jasaı­tyn senimdi halyqaralyq derek­ter qorynyń ar­­qasynda ony odan ári qaýipsiz etýge múm­kin­dik beretin halyqaralyq júk ta­sy­­mal­daryndaǵy mańyzdylyǵyn atap ótti.

Bas hatshynyń orynbasary M.Azı­mov 2020 jylǵy 10 sáýir­de ótken Túrki Keńesiniń kezek­ten tys sammıtinde múshe memle­ket­terdiń basshylary pan­d­e­mııa kezinde azyq-túlik qaýipsiz­digin jáne negizgi taýarlardyń kedergisiz qozǵa­lysyn qamtamasyz etý maqsatynda kóliktik yntymaqtastyqty keńeı­tý jónindegi basym mindetterdi aıqyn­daǵanyn jáne taraptar arasyndaǵy baı­lanyssyz syrtqy saýda júıelerin damytýdyń mańyz­dylyǵyn atap ótti.

Osy oraıda О́zbekstan men Qazaqstan arasynda «eTIR» qanatqaqty jobasyn iske qosýdy tabysty yntymaqtastyqtyń jáne memleket basshylary qoıǵan bas­ty mindetterdi tájirıbede júzege asy­rý­dyń aıqyn mysaly retinde qarastyrǵan jón.

Osyǵan qosa «eTIR» qanat­qaqty jobasyna qatysýshylar sheńberin uıym­nyń basqa múshe memleketterin jáne baqylaýshy memleketterin tartý arqyly keńeıtý qajettigi aıtyldy.  

Qatysýshylar sondaı-aq osyndaı bas­tamalardyń mańyz­dylyǵyn atap ótti jáne Túrki Keńesi sheńberinde tıim­di ári turaqty kólik tetikterin qurý jolyn­da kezdesetin kedergilerdi joıý­ǵa baǵyt­talǵan eleýli jobalar men baǵ­darla­malardy iske asyrýda ynty­maq­tastyqqa daıyn ekenderin bildirdi.