Qazaqstan Respýblıkasynyń Syrtqy ister mınıstri Muhtar Tileýberdi Koreıa Respýblıkasynyń QR-daǵy elshisi Ký Hong Sokty qabyldady, dep habarlaıdy Egemen.kz.
Suhbattasýshylar ekijaqty strategııalyq seriktestiktiń jaǵdaıyn jáne ony odan ári damytý perspektıvalaryn talqylady.
M.Tileýberdi asa joǵary deńgeıdegi turaqty saıası dıalogty jáne ekijaqty ekonomıkalyq yntymaqtastyqtyń joǵary qarqynyn atap ótti.
Eki el Úkimetaralyq komıssııasynyń 9-shy otyrysyn sátti ótkizý saýda-ekonomıkalyq ózara is-qımyldy damytýǵa qosymsha úles qosty.
Jaqyn arada ótetin "Ortalyq Azııa - Koreıa Respýblıkasy" mınıstrlik yntymaqtastyq forýmyna, Qazaqstanda Ońtústik Koreıanyń ınvestısııalyq jobalaryn ilgeriletýge, densaýlyq saqtaý, bilim berý, aqparattyq tehnologııalar salasyndaǵy yntymaqtastyqqa, sondaı-aq mádenı-gýmanıtarlyq baılanystardy nyǵaıtýǵa erekshe nazar aýdaryldy.