Bul týraly áýeli áleýmettik jelide aqparat tarady. Oqys oqıǵa 18 qarashada Atyraý qalasyndaǵy «Juldyz» shaǵyn aýdanynda bolypty.
Oblystyq densaýlyq saqtaý basqarmasynyń baspasóz qyzmeti búgin taratqan aqparatyna qaraǵanda, qabaǵan ıt talaǵan eki jasar bala 18 qarashada saǵat 16.00-de oblystyq balalar aýrýhanasyna jetkizilipti.
«Sársenbi kúni aýrýhanaǵa jetkizilgen balaǵa alǵashqy medısınalyq kómek kórsetildi. It tistegennen qalǵan jaralarǵa hırýrgııalyq óńdeý jasaldy. Balanyń basy men qolyna ortasha deńgeıde zaqym kelgen. Jaralary tańylyp, em berilýde. Qazir bala travmatologııa bóliminde anasymen birge jatyr» dedi dáriger-travmatolog Jaqsylyq Maǵzomov.