2013 jylǵy 18 qyrkúıek, Astana qalasy
Tirek aýyldyq eldi mekenderdi aıqyndaý ádistemesin bekitý týraly
Qazaqstan Respýblıkasy Úkimetiniń 2011 jylǵy 18 shildedegi № 816 qaýlysymen bekitilgen Jumyspen qamtýǵa járdemdesýdiń belsendi sharalaryna qatysatyn adamdarǵa kásipkerlikti damytýdy memlekettik qoldaýdy uıymdastyrý jáne qarjylandyrý qaǵıdalarynyń 19-tarmaǵyna sáıkes buıyramyn:1. Qosa berilip otyrǵan Tirek aýyldyq eldi mekenderdi aıqyndaý ádistemesi bekitilsin.2. Jergilikti ózin-ózi basqarýdy, aýyldyq jáne shekara mańy aýmaqtaryn damytý departamenti Tirek aýyldyq eldi mekenderdiń tizbesin ýaqtyly kelisý jóninde qajetti sharalar qabyldasyn.3. Jergilikti ózin-ózi basqarýdy, aýyldyq jáne shekara mańy aýmaqtaryn damytý departamenti:1) osy buıryqtyń Qazaqstan Respýblıkasy Ádilet mınıstrliginde memlekettik tirkelýin;2) osy buıryqtyń Qazaqstan Respýblıkasy Ádilet mınıstrliginde memlekettik tirkelgennen keıin buqaralyq aqparat quraldarynda resmı jarııalanýyn;3) osy buıryqtyń Qazaqstan Respýblıkasy О́ńirlik damý mınıstrliginiń resmı ınternet-resýrsynda jarııalanýyn;4) osy buıryqty oblystardyń jergilikti atqarýshy organdarynyń nazaryna jetkizýdi qamtamasyz etsin.4. Osy buıryqtyń oryndalýyn baqylaý Qazaqstan Respýblıkasy О́ńirlik damý vıse-mınıstri S.M. Jumanǵarınge júktelsin.5. Osy buıryq alǵashqy resmı jarııalanǵannan keıin kúntizbelik on kún ótken soń qoldanysqa engiziledi.
Qazaqstan Respýblıkasy Premer-Mınıstriniń birinshi orynbasary – Qazaqstan Respýblıkasy О́ńirlik damý mınıstri B Saǵyntaev.
Qazaqstan Respýblıkasy Premer-Mınıstriniń birinshi orynbasary – Qazaqstan Respýblıkasy О́ńirlik damý mınıstriniń 2013 jylǵy 18 qyrkúıektegi № 234/NQ buıryǵymen bekitilgen
Tirek aýyldyq eldi mekenderi aıqyndaý ádistemesi
1. Jalpy erejeler1. Osy tirek aýyldyq eldi mekenderdi aıqyndaý ádistemesi (budan ári - Ádisteme) Qazaqstan Respýblıkasy Úkimetiniń 2011 jylǵy 18 shildedegi № 816 qaýlysymen bekitilgen Jumyspen qamtýǵa járdemdesýdiń belsendi sharalaryna qatysatyn adamdarǵa kásipkerlikti damytýdy memlekettik qoldaýdy uıymdastyrý jáne qarjylandyrý qaǵıdalarynyń 19-tarmaǵyna sáıkes ázirlengen.2. Ádisteme jergilikti atqarýshy organdarynyń Tirek aýyldyq eldi mekenderdi (budan ári - TAEM) aıqyndaý tásilderin belgileıdi.TAEM – bul damyǵan áleýmettik-ınjenerlik ınfraqurylymy bar, aýyldyq eldi mekenderdiń (budan ári – AEM) belgili tobyna memlekettik, bilim berý, densaýlyq saqtaý, qarjylaı-deldaldyq, mádenı-demalys jáne servıstik qyzmet kórsetetin, abattandyrylǵan eldi meken.3. TAEM-di anyqtaý:1) memleket kepildik bergen memlekettik qyzmetterge qoljetimdilikti arttyrý (AEM turǵyndaryna áleýmettik ınfraqurylym uıymdarynyń qyzmet kórsetýin utymdy radıýsqa deıin azaıtý);2) halyqtyń joǵary ómir súrý deńgeıin qamtamasyz etý;3) demografııalyq ahýaldy jaqsartý úshin negizderdi qurý;4) aýyldyq jerde ómir súrý bedelin arttyrý maqsatynda júzege asyrylady.Jergilikti atqarýshy organdardyń uzaq merzimge arnalǵan strategııalyq jáne baǵdarlamalyq qujattarynda aýyl halqynyń ómir súrý jáne eńbek etý jaǵdaılaryn jaqsartýǵa baǵyttalǵan (óndiristiń jáne halyqtyń shoǵyrlanýy, óndiristik, áleýmettik jáne ınjenerlik ınfraqurylymdardyń qurylysyn salý jáne qaıta jańartý) TAEM-degi ózara baılanysqan is-sharalar kesheni kórsetiledi.
2. TAEM-niń negizgi mindetteri 4. TAEM-niń negizgi mindetterine mynalar jatady:1) TAEM tartylys aımaǵynda ornalasqan eldi mekender tobynyń turǵyndaryna áleýmettik-mádenı qyzmet kórsetý, onyń ishinde bilim berý, medısınalyq qyzmet kórsetý, mádenıet, demalys, sport obektileri (mádenıet úıleri, klýbtar, kitaphanalar, sporttyq jáne oıyn-saýyq mekemeleri) salalarynda qyzmet kórsetýge qoljetimdilikti qamtamasyz etý;2) aýyl sharýashylyǵy ónimderiniń taýar óndirýshilerine servıstik qyzmet kórsetý (servıstik daıyndaý sehtary, aýyl sharýashylyǵy taýarlaryn saqtaý qoımalary, qaıta óndeý sehtary, mal soıý pýnktteri jáne basqalar);3) memlekettik qyzmetterdi usyný (halyqqa qyzmet kórsetý ortalyqtarynyń (HQKO) fılıaldarynan anyqtamalar alý, múlikti tirkeý, azamattyq hal aktilerin tirkeý (AHAT), notarıýs qyzmetteri jáne basqalar);4) saýda-turmystyq jáne servıstik qyzmet kórsetý (saýda núkteleri, qoǵamdyq tamaqtaný pýnktteri, turmystyq qyzmetter, turmystyq tehnıkany jóndeý, janar-jaǵar maı stansııalary (JJMS), qonaqúıler, atelelar, tehnıkalyq qyzmet kórsetý stansııalary (TQS) jáne basqalar);5) qarjylyq qyzmetterdi (bankterdiń fılıaldary, shaǵyn nesıelik uıymdar, aýyldyq kredıttik seriktestikter, saqtandyrý kompanııalarynyń fılıaldary jáne basqalar) qamtamasyz etý;6) kóliktik qyzmetterdi (damyǵan logıstıkalyq júıe, avtobeketteri jáne basqalar) usyný.
3. TAEM-di aıqyndaýdyń ólshemderi5. Tirek aýyldyq eldi mekender tek qana:1) aýyldyq jáne kenttik okrýgterdiń ortalyqtary bolyp tabylatyn;2) damý áleýeti 50 baldan kem emes joǵary jáne orta áleýmettik-ekonomıkalyq damý áleýeti bar;3) qaladan nemese aýdan ortalyǵynan 20 shaqyrymnan kem emes radıýsta ornalasqan;4) halqynyń sany aýdannyń aýyldyq jáne kenttik okrýgteri ortalyqtarynyń arasyndaǵy ortasha arıfmetıkalyq kórsetkishten kem emes AEM qatarynan anyqtalady.6. Tirek aýyldyq eldi mekende mynalar bolýǵa tıis:1) eldi mekender júıesinde basymdy túrde ortada jáne eldi mekender tobyn qamtýdyń utymdy radıýsynda ornalasý;2) basym bazalyq kásiporyn (iri aýyl sharýashylyǵy óndirisi jáne basqalar);3) basym túrde shekaralyq aýmaqta ornalasý;4) basqa TAEM-nen 50 shaqyrymnan kem emes qashyqtyqta ornalasý;5) qamsyzdandyrý normatıvterine sáıkes damyǵan áleýmettik jáne ınjenerlik ınfraqurylym;6) perspektıvalyq damý jáne qurylys salý úshin aýmaqtar (bos jerlerdiń bolýy, shekteý faktorlarynyń bolmaýy);7) ótkizý naryqtaryna kóliktik qol jetimdilik;8) qolaıly ekologııalyq ahýal.
4. Aqparat kózderi7. TAEM-di aıqyndaý úshin aqparat kózderi mynalar bolyp tabylady:1) jalpymemlekettik statıstıkalyq baıqaýlardyń derekteri;2) AEM áleýmettik-ekonomıkalyq jaǵdaıyn jáne damý perspektıvasyn tekserý barysynda jergilikti atqarýshy organdardan alynǵan aqparat;3) vedomstvolyq baıqaýlardyń derekteri.8. Oblystyń jergilikti atqarýshy organy aýdandardyń ákimdikterimen birlesip, osy ádistemeni basshylyqqa ala otyryp, oblystyń TAEM tizbesin anyqtaıdy.
Buıryq Qazaqstan Respýblıkasynyń Ádilet mınıstrliginde 2013 jylǵy 17 qarashada Normatıvtik quqyqtyq kelisimderdi memlekettik tirkeýdiń tizilimine №8821 bolyp engizildi.