QR Premer-Mınıstri Asqar Mamın men О́R Premer-Mınıstri Abdýlla Arıpov Túrkistan qalasynda kezdesý ótkizdi, dep habarlaıdy Egemen.kz mınıstrliktiń baspasóz qyzmetine silteme jasap.
Úkimet basshylary saýda-ekonomıkalyq, ınvestısııalyq, aýyl sharýashylyǵy, sý-energetıka, kólik-logıstıkalyq, kedendik yntymaqtastyq, sondaı-aq ónerkásiptik kooperasııa men óńiraralyq ózara is-qımyldyń ózekti máselelerin talqylady.
QR men О́R arasyndaǵy 2020-2022 jyldarǵa arnalǵan yntymaqtastyqty keńeıtý jáne tereńdetý jónindegi praktıkalyq sharalar josparyn iske asyrý, aımaqtyq taýar ótkizý júıesin, Qazaqstan – О́zbekstan shekarasynda Halyqaralyq saýda-ekonomıkalyq yntymaqtastyq ortalyǵyn qurý, shekara mańy ótkizý beketterin jańǵyrtý jáne t. b. máselelerge erekshe nazar aýdaryldy.
О́zbekstan — Qazaqstannyń Ortalyq Azııa óńirindegi negizgi saýda seriktesi. 2019 jyldyń qorytyndysy boıynsha ekijaqty taýar aınalymy 21,2%-ǵa – $4,5 mlrd-qa deıin ósti. Taraptar taýar aınalymyn $10 mlrd-qa deıin jetkizýdi kózdep otyr.
Úkimet basshylary Túrkistan qalasynda toqyma buıymdaryn óndiretin «Turkistan Textile» qazaqstandyq-ózbek birlesken kásipornynyń ashylý rásimine qatysty.
Tigin fabrıkasy «Turkistan» ındýstrııalyq aımaǵynda 2 ga aýmaqta ornalasqan. Investısııa kólemi – 700 mln teńge. О́ndiristiń jobalyq qýaty – aıyna 13 myń toqyma buıymdary. Kásiporyn áıelder úshin, onyń ishinde erekshe qajettilikteri bar jandar úshin 1 myńnan astam jańa jumys ornyn qurýǵa múmkindik beredi.
A. Mamın A. Arıpovty Túrkistan qalasynyń áleýmettik, sport, kólik jáne týrıstik ınfraqurylymynyń jańa nysandarymen – halyqaralyq áýejaı, kongress-holl, «Uly Dala Eli» ortalyǵy, «Túrkistan Arena» stadıony, Oqýshylar saraıy, «Rixos Turkestan» qonaq úıimen, sondaı-aq «Kerýen-saraı» kópfýnksıonaldy týrıstik kesheniniń jáne 5 myń oryndyq meshittiń salyný barysymen tanystyrdy.
Úkimet basshylary Q. A. Iаssaýı kesenesine, «Áziret-Sultan» mádenı-tarıhı mýzeıine baryp, Abaı eskertkishine gúl shoqtaryn qoıdy.