Bolgarııa Halyq jınalysynyń ǵımaratynda Ábý Nasr ál-Farabıdiń 1150-jyldyǵyna jáne Abaı Qunanbaıulynyń 175-jyldyǵyna arnalǵan markany shyǵarýdyń saltanatty rásimi ótti, dep habarlaıdy Egemen.kz.
Poshtalyq markany shyǵarý jobasy Qazaqstannyń Sofııadaǵy Elshiliginiń bastamasymen «Bolgarııa poshtasy» aqsıonerlik qoǵamy júzege asyrdy.
Is-sharaǵa Qazaqstannyń Sofııadaǵy Elshiliginiń ókilderimen qatar Halyq jınalysynyń tóraıymy Sveta Karaıancheva, «Qazaqstanmen dostyq úshin» parlamentik tobynyń tóraıymy Danıela Darıtkova, Syrtqy ister mınıstriniń orynbasary Mılen Lıýskanov, Kólik mınıstriniń orynbasary (poshta salasyna jaýapty) Andreana Atanasova , «Bolgarııa poshtasy» aqsıonerlik qoǵamynyń Bas dırektory Deıan Dyneshkı, sondaı-aq ár túrli saıası partııalardan parlament depýtattary qatysty.
S. Karaıancheva óz sózinde Qazaqstan men Bolgarııa arasyndaǵy qatynastardyń jaqsy damyp kele jatqanyn atap ótip, is-shara ekijaqty yntymaqtastyqty nyǵaıtýdyń taǵy bir múmkindigi bolǵanyn habarlady. Sonymen birge, ol Elshiligikkee atalǵan uly tulǵalarmen tanysýǵa múmkindik bergeni úshin alǵys aıtty.
Jalpy, ótkizilgen is-shara bolgar aýdıtorııasyn Qazaqstan halqynyń mádenı murasy men rýhanı baılyǵymen tanystyrýǵa jaqsy múmkindik usyndy.
Sonymen qatar, is-shara aıasynda fılosofııa ǵylymdarynyń doktory, Qazaq ulttyq ýnıversıtetiniń professory Jaqypbek Altaevtyń bolgar tiline aýdarylǵan ál-Farabı týraly jańadan shyqqan kitaptyń tusaýkeseri ótti.
Sońynda Qazaqstan Respýblıkasynyń Elshisi qonaqtarǵ atalǵan jańa kitap pen Abaıdyń «Qara sózder» bolgar tilindegi basylymyn, jáne «Qunanbaı» fılmimen (bolgar tilinde) DVD tabystady.