Erkin kúresten Almatydaǵy «Dostyq» sport kesheninde ótip jatqan Qazaqstan chempıonatynda 70 kılo salmaq dárejesiniń jeńimpazdary men júldegerleri anyqtaldy, dep habarlaıdy Egemen.kz.
70 kılo salmaq dárejesinde bas júlde úshin tartys shymkenttik Nurjan Seıitjan men atyraýlyq Syrbaz Talǵat arasynda ótti. Bul básekede Atyraýdan kelgen balýannyń ústemdigi esh kúmán týǵyzǵan joq. Qarsylasyn 10:0 esebimen utqan ol el chempıony atandy.
Atyraýlyq Aıdyn Tájiǵalı men qaraǵandylyq Ǵalymjan Ibadýllany utqan Soltústik Qazaqstan oblysynyń ókili Sultan Beıisov pen taldyqorǵandyq Erlan Táńirbergenov qola medaldi qorjyndaryna saldy.