Erteń Shymkentte bokstan Qazaqstan chempıonatynyń jalaýy jelbireıdi. Erler arasyndaǵy básekeler 10 salmaq dárejesi boıynsha ótedi, dep habarlaıdy Egemen.kz.
Bir aptaǵa sozylatyn jarys barysynda 200-den asa bylǵary qolǵap sheberleri óner kórsetedi. Solardyń qatarynda halyqaralyq dodalarda daralanǵan gúrzi judyryqty jigitter de bar.
Ulttyq quramanyń bas bapkeri Ǵalymbek Kenjebaevtyń aıtýynsha, el birinshiliginde saqa sportshylar ózderiniń myqtylyǵyn pash etýge tyryssa, jalyndy jastar respýblıkamyzdyń bas komandasyna qabyldanýǵa laıyq ekenderin dáleldeýge talpynýǵa tıis.
Bıylǵy jarystyń júlde qory 20 mıllıon teńgeni qurap otyr. Bas júlde alǵan boksshy 500 myń alsa, kúmis júldeger 300 myńdy qaltaǵa basady. Al qolaǵa qol sozǵandar 100 myń teńgege ıelik etedi. Sonymen qatar, Shymkentte áıelder de judyryqtasady. Elimizdiń ár aımaǵynan jınalǵan 110 burymdy osy dodada kúsh synasýǵa nıet bildirgen eken.