Departamenttiń baspasóz qyzmetine taratqan málimetterge qaraǵanda, atalmysh shara memleketik organdarmen birlese otyryp, jol-kólik oqıǵalarynyń aldyn alý maqsatyda júzege asyrylýda, dep habarlaıdy Egemen.kz.
Astanalyq Polısııa departamentiniń basshysy Erjan Sadenovtiń aıtýynsha, bıylǵy jyly jol qozǵalysyn uıymdastyrý kestesin ózgertý boıynsha jumystar júzege asyrylyp, jol qozǵalysyn retteıtin tehnıkalyq qurylǵylar ornatyldy.
Mysaly 23 rettelmeıtin jaıaý júrginshiler ótetin jol men 8 dańǵylda baǵdarsham ornatyldy. Jaıaý júrginshiler ótetin 16 jol jaryqtandyrylyp, 8 dańǵylda qosymsha baǵdarsham seksııalary ornatyldy.
Elordanyń jol qozǵalysyn uıymdastyrý kestesine ózgeris engizý jumystary shetel tájirıbesi boıynsha ilki joba aıasynda jyl boıyna shetinen júzege asyryldy. Búgingi tańda 19 dańǵylda sol jaqqa burylyp, manevr jasaýǵa tyıym salynyp, kólik aǵynynda qarama-qaıshy qozǵalysty qysqartý maqsatynda aınalyp, burylýǵa da taıym salyndy. Bul rette balama múmkindik retinde 13 jol bóliginde aınalyp, burylýǵa múmkindik beretin qaýipsiz oryndar jasaldy. Taǵy 2 bólikte osy tektes jumystar júrgizilýde.
Bıylǵy jyly Ýálıhanov pen Seıfýllın («Artem», «Magným» saýda úıleri) dańǵylynda alǵashqy dıagonaldy jaıaý júrginshiler ótkeli qoldanysqa engizildi.
Jaıaý júrginshilerge arnalǵan bul ótkeldiń ózgelerden aıyrmashylyǵy búkil avtomobıl qozǵalysynyń dańǵylda ýaqytsha toqtap, jaıaý júrginshilerdiń báriniń bir mezgilde, sonymen qatar joldy qıǵashynan kesip ótýine múmkindik jasaý bolyp tbylady.
Kólikke qaraǵanda, jaıaý júrginshilerge basymdyq berý joldy qıǵashynan kesip ótýge múmkindik jasaıdy. О́z kezeginde bul jaıa júrginshiler úshin qolaıly ári qaýipsiz bolyp tabylady.
Balalar zardap shegetin jol-kólik oqıǵalarynyń aldyn alý maqsatynda bilim berý nysandarynyń janyndaǵy 69 jol bóligine aq-sary túske boııalǵan jolaqtar salyndy. Al 92 jol bóliginde sarymen boıalǵan jasandy jaısyz joldar men qozǵalysty shekteıtin jol belgileri ornatyldy. Otyrar 8/1 men Jeltoqsan kóshelerinde jaıaý júrginshiler ótetin jolǵa birneshe metr qalǵanǵa deıingi aralyqqa júrgizýshilerge eskertý retinde ırelek jolaqtar jasaldy. Sonymen qatar baǵdarshamnyń qyzy-jasyl tústeri janatyn ýaqyt aralyǵy 3-ten 4 sekýndqa deıin artty. Osy sharalardyń nátıjesinde retteletin dańǵyldardaǵy jol-kólik oqıǵalarynyń sany 55% qysqardy.
«Jalpy osy baǵytta atqaryǵan jumystar elorda joldarynda jol-kólik oqǵalarynyń sanyn edáýir qysqartýǵa múmkindik berdi»,-delingen Polısııa departamentiniń baspasóz qyzmeti taratqan aqparatta.